Bæjar- og útihátíðir

Á Íslandi er heilmikið um bæjar- og sumarhátíðir en fæstir vita þó um þær allar.

29. júní 2017

Hægt er að nálgast upplýsingar um bæjarhátíðir á Íslandi á vef Sambands íslenskra sveitarfélaga. Í þessari grein verður ekki fjallað um hátíðir á höfuðborgarsvæðinu, frekar einblínt á atburði sem eru annars staðar. Lítið er af hátíðum á fyrri hluta ársins en þegar að líða fer að sumri er heilmikið um að vera.

Apríl

  • Aldrei fór ég suður er sannkölluð rokkhátíð alþýðunnar sem haldin er um páskana ár hvert.  Ókeypis tónleikar og fjöldi fólks í fallegum lopapeysum.

Maí

Síðustu helgina í maí eru eftirfarandi hátíðir:

  • Hafnardagar í Þorlákshöfn er helgarhátíð þar sem boðið er meðal annars upp á dansleiki, tónleika, listasýningar og margt fleira.
  •  er fjölbreytt bæjarhátíð í Grindavík sem haldin er um sjómannadagshelgina til heiðurs íslenska sjómanninum og fjölskyldu hans.
  • Fjör í Flóa er fjölskyldu- og menningarhátíð sem haldin er í Flóamannahreppi.
  • Saga Fest er lista- og tónlistarhátíð sem leggur áherslu á sjálfbærni og samfélagsmyndun.  Á hátíðinni eru margvíslegar smiðjur, andlegar og listrænar, sem og tónleikar.

Júní

Fyrstu helgina í júní eru eftirfarandi hátíðir:

  • Skjaldborg er íslensk heimildamyndahátíð sem haldin er á Patreksfirði. Hátíðinni er ætlað að vera tækifæri fyrir kvikmyndagerðarfólk og áhugamenn til að koma saman.
  • Bjórhátíðin á Hólum er vettvangur þar sem bjórframleiðendur  fyrir íslenskan markað mæta og kynna sínar vörur og nýjungar á bjórmarkaðnum. Engin heimasíða er fyrir hátíðina en nálgast má miða á midi.is.

Önnur helgin í júní:

  • Kótelettan er bæjar-, fjölskyldu- og tónlistarhátíð sem haldin er á Selfossi. Þar er sýnd framleiðsla bænda á Íslandi ásamt fjölbreyttri skemmtidagskrá.
  • Sumarmölin, sem haldin er á Drangsnesi, er fjölskylduvæn tónlistarhátíð.

Þriðja helgin í júní:

  • Bergmál, tónlistarhátíð á Dalvík, reynir að höfða til unnenda klassískrar tónlistar og þeirra sem þekkja lítið til sígildrar tónlistar.
  • Á fætur í Fjarðabyggð er fjölskylduvæn gleði- og skemmtivika með úrvalsgönguferðum og afþreyingu við allra hæfi.
  • Skógardagurinn mikli, árleg skógarhátíð Félags skógarbænda á Austurlandi, Barra, Héraðs- og Austurlandsskóga, Skógræktarfélags Austurlands og Skógræktar ríkisins verður haldinn í Mörkinni í Hallormsstaðaskógi.
  • Bíladagar á Akureyri er hátíð bifreiðaunnenda.  Þar er keppt í kappakstri í mörgum flokkum og bílar sýndir. 

Fjórða helgin í júní:

  • Sólseturshátíðin í Garði er fjölskylduhátíð, haldin á Garðskaga við góðar aðstæður, fallegt umhverfi með fjölbreyttri dagskrá.
  • Lummudagar í Skagafirði er fjölskylduhátíð með fjölbreyttri dagskrá.
  • Barrokk hátíðin á Hólum í Hjaltadal er tónlistarhátíð fyrir unnendur barrokktónlistar.
  • Humarhátíðin á Höfn er haldin í lok júní og er þar boðið upp á humarsúpu og fjölbreytta dagskrá á völdum stöðum í sveitarfélaginu.
  • Hamingjudagar á Hólmavík er hátíð fyrir brottflutta Strandamenn og Hólmvíkinga og vettvangur til að hittast og eiga góða stund á heimaslóð.
  • Brákarhátíð er fjölskylduhátíð í Borgarnesi til heiðurs Brák, kvenhetjunni miklu frá víkingatímum.
  • Blúshátíðin Ólafsfirði er elsta blúshátíð landsins þar sem fjöldi efnilegra tónlistarmanna, jafnt innlendir sem erlendir hafa komið fram.
  • Blóm í bæ er garðyrkju- og blómasýning sem haldin er í Hveragerði.
  • Steampunk Iceland breytir Bíldudal í ævintýraikonungsríkið Bildalíu.  Þar getur þú dottið inn í sannkallaðan draumaheim í anda gufupönks.
  • Drangey Music Festival - Ný tónlistarhátíðar í Skagafirði. Að hátíðinni standa staðarhaldarar á Reykjum í samvinnu við sömu menn og bjuggu til tónlistarhátíðina Bræðsluna á Borgarfirði eystra.

Júlí

Fyrstu helgina í júlí eru eftirfarandi hátíðir:

  • Írskir dagar. Í byrjun júlí ár hvert halda Skagamenn bæjarhátíð til að minnast arfleifðar sinnar og gera sér glaðan dag. Þetta er fjölskylduhátíð með fjölbreyttri skemmtun; íþróttum, markaði, götugrilli, dorgveiði, sandkastalakeppni og keppni um rauðhærðasta Íslendinginn.
  • Ólafsvíkurvaka  er haldin í Snæfellsbæ og er aðallega fjölskylduskemmtun.
  • Markaðshelgin í Bolungarvík er blanda af öflugu markaðstorgi og yfirgripsmikilli tónlistar- og fjölskylduskemmtun.
  • Listasumar á Akureyri
  • Á fætur í Fjarðarbyggð – með stærstu útivistarviðburðum ársins í boði eru á fimmta tug viðburða þá viku, bæði gönguferðir og skemmtanir. 
  • Dýrafjarðadagar hefjastyfirleitt á fimmtudegi og meðal þess sem boðið hefur verið upp á eru listasýningar, leikrit, íþróttir, súpa í garði, og ótal fleira skemmtilegt. Á laugardagskvöldi er grillveisla og kvöldvaka.
  • Goslokahátíð Vestmannaeyja -  Goslokahátíðin er bæjarhátíð í Vestmannaeyjum þar sem endalokum eldgossins á Heimaey 1973 er fagnað. Hátíðin er alltaf fyrstu helgina í júlí og var fyrsta samkundan árið 1974.

Önnur helgin í júlí:

Þriðja helgin í júlí:

  • Húnavaka er fjölskylduskemmtun og bæjarhátíð sem haldin er á Blönduósi
  • Pólar festival – Listahátíð með áherslu á hagnýtar listir og "Skill Share" á Stöðvarfirði
  • Á Hlaupahátíð á Vestfjörðum er kept í hlaupum, hjólreiðum, sjósundi og þríþraut.
  • Miðaldadagar á gásum -  Kaupskapur, handverk og leikir. Ómar fortíðar hljóma og lykt af alls kyns iðnaði, kolagerð og brennisteinsvinnslu berst um svæðið 

Fjórða helgin í júlí:

  • LungA er alþjóðleg listahátíð fyrir ungt fólk sem stendur í vikutíma á Seyðisfirði.  Listasmiðjur, sýningar og magnaðir tónleikar.
  • Bryggjuhátíð á Drangsnesi býður landsmönnum upp á grásleppusýningu og dorgveiði.
  • Bræðslan er sannkölluð tónlistarveisla á Borgarfirði Eystri.

Fimmta helgin í júlí: 

  • Franskir dagar á Fáskrúðsfirði er menningarleg bæjarhátíð með frönsku ívafi.
  • Mærudagar er bæjarhátíð á Húsavik og er hefð að bæjarbúar sameinist um að skipta bænum í þrjú hverfi sem einkennast með mismunandi litum.
  • Eldur í Húnaþingi er unglistahátíð í Húnaþingi sem sett er á miðvikudagskvöldi og stendur fram á sunnudag.
  • Reykholtshátíðin er marglofuð tónlistarhátíð sem leggur áherslu á klassíska tónlist frá 18. og 19. öld.
  • Á góðri stund á Grundarfirði. Þessi vinarlega fjölskylduhátíð er hugsuð fyrir Grundfirðinga, innfædda, aðflutta og brottflutta, vini þeirra og vandamenn, og aðra gesti sem eiga leið þangað. 
  • Trilludagar – Fjölskyldudagar á Siglufirði 
  • Smiðjuhátíð 

Ágúst 

Finna má upplýsingar um Verslunarmannahelgina hér.

Önnur helgin í ágúst:

Þriðja helgin í ágúst:

  • Ormsteiti bæjarhátíð er uppskeruhátíð sem haldin er á Egilsstöðum og vítt og breytt um Fljótsdalshérað.
  • Berjadagar er tónlistarhátíðin sem er haldin árlega í Ólafsfirði og er flutt þar aðgengileg kammertónlist, auk þess sem gestir úr öðrum listgreinum taka þátt.
  • Gæran er tónlistarhátíð sem er haldin á Sauðárkróki og spila þar þekktir flytjendur í bland við óþekktari.
  • Grenivíkurgleðin er fjölskylduskemmtun sem ætluð er íbúum Grýtubakkahrepps, ættingjum, vinum og vandamönnum.
  • Töðugjöld er bæjarhátíð á Hellu á Rangárvöllum.
  • Blómstrandi dagar í Hveragerði 

Fjórða helgin í ágúst:

September

  • Ljósanótt, menningar- og fjölskylduhátíð Reykjanesbæjar, er haldin fyrstu helgina í september. Áhersla er lögð á viðamiklar uppákomur frá fimmtudegi til sunnudags þótt hápunktur hátíðarinnar sé á laugardeginum.
  • Þríþraut Vasa er þríþrautarkeppni sem haldin er haldin fyrstu helgina í september í Bolungarvík.
  • Uppskeruhátíðin á Flúðum er haldin fyrsta laugardag í september. Þar er boðið upp á matvæli úr heimabyggð, handverk, menningu og listir.
  • Réttað er í Laufskálarétt í Hjaltadal síðustu helgina í september. Þar er skemmtun og á laugardeginum taka allir sem vettlingi geta valdið þátt í réttarstörfum.
  • Á Bláberjadögum í Súðavík er lögð áhersla á lok berjatímabils með fjölbreyttri  tónlist og ýmsum berjatengdum keppnum.

Október

Nóvember

  • Safnahelgi á Suðurlandi er haldin ár hvert fyrstu helgina í nóvember.  Þá er boðið upp á fjölbreytta viðburði um allt Suðurland og í Vestmannaeyjum.
29. júní 2017

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Einkalíf |  02.05.2016
Vinna |  10.05.2017
Heimilið |  21.04.2015

Mest lesnu svörin

Heilsa & kynlíf |  02.05.2016 Kynlífsstellingar
Framhaldsskóli |  22.05.2017 Hvernig virkar jöfnunarstyrkur?