Skattframtal

Skil á skattframtali eru um miðjan mars ár hvert

24. maí 2017

Hvað er skattframtal?

Skattframtal er staðfesting á öllum þeim tekjum, eignum og skuldum sem þú áttir á skattárinu sem leið. Réttar upplýsingar þurfa að berast skattstjóra svo hægt sé að reikna út skatta og bætur.

Hvernig skila ég skattframtali?

Framtalið er fyllt út á netinu, þú skráir þig inn á síðu skattsins með aðgangi sem þú færð sendan í heimabanka eða með rafrænum skilríkjum. Hér má finna ítarlegar leiðbeiningar um hvernig telja skuli telja fram.
Ef þú hafðir aðeins launatekjur á árinu er einfalt mál því stærstur hluti upplýsinganna er fyrirfram útfylltur á framtalinu.

Hvar skila ég skattframtal?

Skattframtali er skilað inn á skattur.is. Einnig er hægt að skila framtalinu skriflega til skattstjóra í því umdæmi sem þú áttir lögheimili í 31. desember á árinu sem leið. Langtum einfaldara og fljótlegra er að skila framtalinu á netinu.

Hvenær?

Árið 2017 er skiladagur skattframtals 15. mars. Hægt er að sækjum um frest til 20. mars inn á skattur.is. Yfirleitt er skiladagur skattframtals um miðjan eða seinnipart mars á hverju ári.

Get ég fengið aðstoð við skil á skattframtali?

Hægt verður að fá aðstoð við að skil á skattframtali í Hinu Húsinu þriðjudagana 14. mars á milli 18 og 20. Einnig býður Orator upp á framtals aðstoð sunnudaginn 12. mars á Háskólatorgi, nánar um það hér

Hvað gerist ef skattframtali er ekki skilað?

Ef framtali er ekki skilað hefur skattstjóri ekki upplýsingar til að reikna út rétta skatta. Skattar eru því lagðir á samkvæmt áætluðum tekjum og eignum. Ef framtali er ekki skilað á réttum tíma og ekki hefur verið sótt um frest þá hefur skattstjóri heimild til að beita álagi, sem verður til þess að skattgreiðslur hækka.

Hvað gerist svo?

Álagningar- og innheimtuseðlar eru sendir út 1. ágúst. Þeir sem greiddu of mikla staðgreiðslu fá endurgreiðslu en hinir sem ekki greiddu nóg þurfa að greiða það sem upp á vantar. Það er greitt með fimm jöfnum greiðslum á tímabilinu 1. ágúst til 1. desember.
Ef í ljós kemur að gjöldin eru ekki réttilega ákvörðuð er rétt að kæra álagninguna til skattstjóra og þá þarf að gæta þess að kæran berist til skattstjóra innan kærufrests sem er 30 dagar og auglýstur strax og álagningin hefur farið fram.

24. maí 2017

Ertu með spurningu?

Full nafnleynd og 100% trúnaður.

 

Spurningar tengdar síðu

Mest lesið

Einkalíf |  22.11.2012
Einkalíf |  06.04.2016
Einkalíf |  29.06.2017
Einkalíf |  02.05.2016

Mest lesnu svörin

Heilsa & kynlíf |  25.08.2014 Swag vs. legend