Skráð sambúð

Það er mikilvægt að vera réttum megin við lögin og skrá sig í sambúð um leið og hún hefst - það er nefnilega ekkert til sem heitir aðlögunartími.

01. júní 2017

Mörgum þykir það stórt skref að skrá sig í sambúð

Ef fólk er hinsvegar að flytja inn saman er það á sama tíma að fara í sambúð. Að vera í sambúð er alls ekki eins og að gifta sig eða trúlofa. Þetta er einfaldlega búsetustaða fólks sem tekið er tillit til þegar reiknaðar eru út bætur frá ríki eða sveitarfélagi. Að vera í sambúð þýðir að eiga sama lögheimili og kærastinn eða kærastan.

Fólki er skylt að flytja lögheimili sitt innan 7 daga frá flutningum.

Af hverju að skrá sig í sambúð?

Lögum samkvæmt þurfa pör sem búa saman að vera skráð í sambúð en ef þau þiggja einhverjar greiðslur frá ríki eða sveitafélagi, hvort sem það eru húsnæðisbætur, barnabætur, niðurgreiðsla á leikskóla, og fleira í þeim dúr. Ef fólk þiggur bætur á röngum forsendum eru þær í öllum tilfellum afturkræfar. Því er mikilvægt að vera réttum megin við lögin og skrá sig í sambúð um leið og hún hefst - það er nefnilega ekkert til sem heitir aðlögunartími.

Hvernig skráir fólk sig í sambúð?

Að skrá sig í sambúð er gert í tveimur þrepum. Fyrst þarf að flytja lögheimili sitt, en eyðublað fyrir slíkt má nálgast á heimasíðu Þjóðskrár. Síðan þarf að fylla út annað eyðublað sem nefnist  „Beiðni um skráningu sambúðar hjá Þjóðskrá“. Þessum eyðublöðum þarf svo að koma til skila, annaðhvort með netskilum eða til skrifstofu Þjóðskrár.

  • Frekari upplýsingar um flutning á lögheimili má finna hér á Áttavitanum.
01. júní 2017