Ófrjósemisaðgerðir kvenna

Eggjaleiðurum er lokað með því að setja á þá klemmur eða plasthringi. Stundum er notast við brennslu eða þeir eru klipptir í sundur

02. maí 2016

Hvernig eru ófrjósemisaðgerðir gerðar á konum?

Ófrjósemisaðgerð er aðgerð sem framkvæmd er í svæfingu. Eggjaleiðurum er lokað þannig að egg og sáðfruma mætast ekki.

Hversu örugg getnaðarvörn er ófrjósemisaðgerð á konu?

Öryggi ófrjósemisaðgerða er nánast 100%.

Hvernig virkar ófrjósemisaðgerðir á konum?

Eggjaleiðurum er lokað með því að setja á þá klemmur eða plasthringi. Stundum er notast við brennslu eða þeir eru klipptir í sundur. Egg kemst þá ekki niður eggjaleiðarana og sáðfrumur komast ekki upp til móts við eggið. Þannig er komið í veg fyrir að frjóvgun geti orðið.

Hverjir eru helstu kostir ófrjósemisaðgerða á konum?

  • Aðgerðin er mjög örugg getnaðarvörn.
  • Hún hefur ekki áhrif á líkama konunnar, hvorki á blæðingar né kynhvöt.
  • Getnaðarvörnin er varanleg.

Hverjir eru helstu ókostir við ófrjósemisaðgerðir á konum?

  • Aðgerðin getur haft í för með sér aukaverkanir, en þær eru sjaldgæfar.
  • Aðgerðin krefst sjúkrahússvistar og það tekur nokkra daga að jafna sig eftir hana.
  • Yfirleitt þarf konan að fara í svæfingu.
  • Einstaka sinnum geta eggjaleiðararnir opnast aftur og þá getur konan orðið þunguð.
  • Erfitt er að tengja eggjaleiðarana saman aftur og því er töluvert mikil hætta á að konan geti ekki orðið frjó á ný.

Nánar um ófrjósemisagðerðir á konum.

  • Umsókn um ófrjósemisaðgerð þarf að vera skrifleg.
  • Aðgerðin er varanleg.
  • Mikilvægt er að hafa hugleitt þessa ákvörðun mjög vel og vera þess fullviss að maður vilji ekki eignast börn í framtíðinni.
  • Pör þurfa að fara saman í ráðgjöf áður en þau taka þessa ákvörðun.
  • Aðgerðin er framkvæmd á sjúkrahúsi, yfirleitt í svæfingu.
02. maí 2016

Ertu með spurningu?

Full nafnleynd og 100% trúnaður.

 

Efni tengt síðu

Mest lesið

Einkalíf |  06.04.2016
Nám |  14.02.2018