Líkamsgötun / Piercing

Göt í eyrnarsneplum eru mjög algeng hjá kvenfólki á Vesturlöndum öllum. Önnur götun hefur yfirleitt verið bundin ákveðnum aldurshópum og tískusveiflum.

23. ágúst 2013

Á að fá sér gat?

Ef fólk hyggst láta gata á sér líkamann ætti það að taka sér góðan umhugsunartíma áður en það aðhefst frekar. Götunin verður oftast ekki aftur tekin, hún getur skilið eftir sig ör og haft í för með sér ýmis konar sýkingarhættu.

Hvar á að láta gata sig?

Algengustu staðirnir sem fólk lætur gata eru:

  • eyrnasneplar,
  • eyrun,
  • tungan,
  • nefið,
  • augabrúnir,
  • fyrir ofan nafla.

Tískusveiflur og áhrifavaldar

Göt í eyrnasneplum eru mjög algeng hjá kvenfólki á Vesturlöndum öllum. Önnur götun hefur yfirleitt verið bundin ákveðnum aldurshópum og tískusveiflum. Ef maður lætur gata sig á óhefðbundnum en áberandi stað, t.d. í nef eða augabrún, getur maður átt það á hættu að sjá eftir því síðar meir. Sama á við um svokölluð „tunnels“ í eyrnasneplana. Stór göt gróa ekki auðveldlega og verða kannski ekki aftur tekin. Dæmi eru um að eldra fólk hafi farið í dýrar lýtaaðgerðir til þess að fjarlægja stór göt í eyrnasneplum eftir „tunnel“.

Götun á kynfærum

Klámvæðingin hefur haft það í för með sér að sífellt fleira fólk lætur gata á sér kynfærin. Slíkt er yfirleitt gert í þeim tilgangi að auka unað í kynlífi, en getur vissulega haft þveröfug áhrif og haft sársaukafullar og alvarlegar afleiðingar, gangi ekki allt að óskum.

Kynfæragötun krefst mikillar umhugsunar. Enginn ætti að láta tískusveiflur eða þrýsting frá öðrum hafa áhrif á ákvarðanatöku sína í þeim efnum.

Að fara í líkamsgötun

Sé maður orðinn sjálfráða og ákveðinn í að láta gata sig einhversstaðar, ætti maður undantekningarlaust að láta fagmann um verkið. Mikilvægt er að velja sér fagmann sem rekur hreinlega stofu og hefur öll tilskilin leyfi til líkamsgötunar.

  • Mikilvægt er að skartgripurinn, sem settur er í gatið að götuninni lokinni, sé úr ekta málmi og valdi ekki neinum óþægindum.
  • Nál og önnur verkfæri þurfa að vera sótthreinsuð og sá sem gatar þarf að nota hanska.
  • Séu áhöld ekki hrein er hætt við smiti á sjúkdómum á borð við HIV og lifrarbólgu.

Hvað á að gera eftir götun?

Eftir líkamsgötun er mikilvægt að gæta fyllsta hreinlætis. Svæðið í kringum gatið getur verið aumt í dágóðan tíma og tekið mislangan tíma að gróa.

  • Gott er að þrífa svæðið með bómull og sótthreinsandi, en láta gatið og skartgripinn algjörlega í friði þess utan.
  • Fyrir þá sem eru með lokk í munni er gott að skola munninn með munnskoli eftir hverja máltíð.
  • Ef húðin í kringum gatið fer að roðna, hitna eða að maður finnur fyrir slætti í kringum svæðið, þarf að leita samstundis til læknis. Ef upp kemur sýking gæti verið þörf á sýklalyfjameðferð. Oft myndast sýking í götum í tungu, nösum og kynfærum, því þar eru miklar bakteríur til staðar.

 

23. ágúst 2013

Ertu með spurningu?

Full nafnleynd og 100% trúnaður.

 

Efni tengt síðu

Mest lesið

Einkalíf |  06.04.2016
Vinna |  20.02.2015
Einkalíf |  02.05.2016
Vinna |  10.05.2017

Mest lesnu svörin

Heilsa & kynlíf |  23.08.2013 Slit á lærin og rassinn
Heilsa & kynlíf |  02.05.2016 Kynlífsstellingar