Að negla í vegg...

Eins og það virðist nú einfalt, þá geta málin flækst og gott er að hafa nokkra hluti í huga.

22. nóvember 2012

Hamar og nagli...

Mismunandi gerðir nagla eiga við í hverju tilviki. Kanna þarf vel hvaða nagli henti best í hverju tilviki. Þegar slegið er með hamri á að halda um skaftendann, svo höggin verði öruggari og þyngri. Í sveiflunni skal hreyfa allan framhandlegginn og láta úlnliðinn fjaðra dálítið. Síðan skal hafa augun á naglanum, en ekki hamrinum, því þá eru minni líkur á að maður slái á puttana.

Til að koma í veg fyrir hamarför á veggnum...

Til að koma í veg fyrir hamarför er gott að klippa nokkurskonar „V“ í lítinn pappabút og skorða naglann í því á meðan honum er neglt í vegginn.

Ekki hamra á puttann!

Til að passa puttana þegar litlum nagla er neglt í vegg má setja hann í gegnum pappírssnepil sem haldið er í, í stað þess að halda um naglann sjálfan með fingrunum. Pappírinn er svo rifinn burt þegar naglinn er kominn á sinn stað. Einnig er hægt að nota hárgreiðu eða nælu með sama árangri.

Hvernig er nagli dreginn úr vegg?

Til að ná nagla burt notar maður klaufina á hamrinum. Hætt er við að hamarinn myndi gat eða far í vegginn og til að koma í veg fyrir það er gott að leggja smá spýtubút undir hausinn á hamrinum, þar sem hann nemur við vegginn.

22. nóvember 2012

Ertu með spurningu?

Full nafnleynd og 100% trúnaður.

 

Staðir tengdir síðu

Mest lesið

Einkalíf |  06.04.2016
Vinna |  10.05.2017
Einkalíf |  02.05.2016
Vinna |  20.02.2015