Vaxtabætur

Vaxtabætur eru hugsaðar til að auðvelda fólki að eignast íbúðarhúsnæði. Vaxtabætur eru greiddar til fólks í formi skattaafláttar.

07. janúar 2015

Hvað eru vaxtabætur?

Vaxtabætur eru hugsaðar til að auðvelda fólki að eignast íbúðarhúsnæði. Vaxtabæturnar ganga upp í þá upphæð sem fólk greiðir í vexti af húsnæðislánum. Það er ríkissjóður sem borgar út vaxtabætur. Ekki þarf að sækja sérstaklega um vaxtabætur heldur eru þær reiknaðir samkvæmt upplýsingum í skattframtali.

Hver á rétt á vaxtabótum?

Þeir sem greiða vexti af húsnæðislánum eiga rétt á vaxtabótum. Lán fyrir eftirfarandi veitir rétt á vaxtabótum:

  • kaup á íbúðarhúsnæði,
  • bygging íbúðarhúsnæðis,
  • stórar framkvæmdir á íbúðarhúsnæði,
  • kaup á íbúðarhúsnæði í gegnum kaupleigusamning.

Hversu háar eru vaxtabætur?

Ýmis atriði hafa áhrif á hversu háar vaxtabætur eru, s.s. fjölskylduaðstæður, tekjur, skuldir og kostnaður við húsnæðislánið. Vaxtabætur geta skerðst eða fallið niður fari eignir einstaklinga yfir ákveðna upphæð.

Á heimsíðu Ríkisskattstjóra má nálgast reiknivél fyrir vaxtabætur.

Hvernig eru vaxtabætur greiddar út?

Vaxtabætur eru ekki beint greiddar út heldur koma í formi skattaafsláttar. Þannig lækka vaxtabæturnar þann skatt sem greiddur er af launum. Hinsvegar er hægt að sækja um fyrirframgreiðslu á vaxtabótum sem þýðir að þær eru reiknaðar til afsláttar fjórum sinnum á ári en ekki einu sinni.

 

07. janúar 2015

Ertu með spurningu?

Full nafnleynd og 100% trúnaður.

 

Staðir tengdir síðu

Mest lesið

Vinna |  10.05.2017
Vinna |  07.06.2016
Einkalíf |  06.04.2016
Einkalíf |  02.05.2016