Námsstyrkir Vinnumálastofnunar

Best er að hafa samband við ráðgjafa hjá stofnununni til að kynna sér hvaða möguleika maður hefur á námsstyrk.

03. október 2012

Hverjir hafa rétt á námsstyrk frá Vinnumálastofnun?

Atvinnulausir geta sótt um styrki til náms frá Vinnumálastofnun. Hver umsókn er skoðuð út frá hverju og einu tilviki því aðstæður geta verið mismunandi hjá umsækjendum. Best er að hafa samband við ráðgjafa hjá stofnuninni til að kynna sér hvaða möguleika maður hefur á námsstyrk.

Hvaða námsstyrkir eru í boði hjá Vinnumálastofnun?

Þrír styrkir eða leiðir eru í boði fyrir atvinnulausa hjá Vinnumálastofnun. Hér að neðan verður lauslega gert grein fyrir þeim.

Námssamningur 1

Námssamningur 1 nær til náms eða hluta náms sem er ekki lánshæfur hjá LÍN. Til að mynda getur það verið í starfs-, iðn- eða tækninámi, undirbúningsnám fyrir háskóla, s.s. frumgreinanám, og námskeið á borð við Aftur í nám og nám hjá Hringsjá.

Hafa þarf í huga að...

  • styrkt er ein önn í námi - eða tvær í mesta lagi,
  • sýna verður fram á að námið sé gagnlegt fyrir umsækjandann og auki möguleika hans í atvinnuleit,
  • umsækjandi þarf að skuldbinda sig til að stunda námið að fullu og uppfylla skilyrði um mætingu,
  • umsækjandi þarf að hafa starfað samfellt í sex mánuði áður en hann fór á atvinnuleysisskrá,
  • námið þarf að vera skilgreint sem vinnumarkaðsúrræði.

Nánari upplýsingar um Námssamning 1 má finna hér

Námssamningur 2

Námssamningur 2 nær til fjarnáms og kvöldskóla á framhaldsskólastigi að 9 einingum eða öðru námi sem telst vera 10-12 ECTS einingar. Námið má ekki vera lánshæft.

Hafa þarf í huga að...

  • umsækjandi þarf að skuldbinda sig til að stunda námið að fullu og uppfylla skilyrði um mætingu,
  • umsækjandi þarf að hafa starfað samfellt í sex mánuði áður en hann fór á atvinnuleysisskrá,
  • námið þarf að vera skilgreint sem vinnumarkaðsúrræði,
  • námsmaður þarf að vera í virkri atvinnuleit meðan á námi stendur,
  • sýna þarf fram á að námið sé gagnlegt fyrir umsækjandann og auki möguleika hans í atvinnuleit,
  • umsækjandi þarf að skuldbinda sig til að stunda námið að fullu og uppfylla skilyrði um mætingu.

Nánari upplýsingar um Námssamning 2 má nálgast hér.

Námsstyrkur 3

Námsstyrkur 3 er svo hugsaður fyrir fólk sem hefur áhuga á að sækja námskeið sem þjónustuskrifstofa Vinnumálastofnunar býður ekki upp á. Stofnunin greiðir þó aldrei meira en 50% af kostnaðinum og að hámarki 70.000 krónur. Sótt er um í gegnum náms- og starfsráðgjafa Vinnumálastofnunar.

Hafa þarf í huga að...

  • námskeiðið þarf að gagnast atvinnuleitanda og bæta stöðu hans á vinnumarkaði,
  • styrkurinn er óháður bótarétti,
  • umsækjandi þarf að vera á atvinnuleysisskrá í a.m.k. mánuð áður en hægt er að sækja um styrkinn.

Nánari upplýsingar um Námsstyrk 3 má finna hér

03. október 2012

Ertu með spurningu?

Full nafnleynd og 100% trúnaður.

 

Mest lesið

Einkalíf |  22.11.2012
Einkalíf |  06.04.2016
Einkalíf |  29.06.2017
Einkalíf |  02.05.2016

Mest lesnu svörin

Heilsa & kynlíf |  25.08.2014 Swag vs. legend