Frumgreinanám á Bifröst

Frumgreinanám hentar vel fólki sem ekki hefur nægilega góðan grunn fyrir nám á háskólastigi.

03. október 2012

Hvað er frumgreinanám?

Frumgreinanám er hugsað fyrir fólk sem ekki hefur lokið stúdentsprófi en hefur áhuga á frekara námi á háskólastigi. Að loknu námi í frumgreinum öðlast nemendur ígildi stúdentsprófs og geta þannig innritast í háskóla hérlendis og erlendis.

Fyrir hverja er frumgreinanám?

Frumgreinanám er hagnýtt undirbúningsnám fyrir metnaðarfullt fólk. Vinnuálagið er mikið og námið krefjandi. Það hentar vel fólki sem ekki hefur nægilega góðan grunn fyrir nám á háskólastigi.

Hversu langt er frumgreinanám?

Námið tekur eitt ár eða þrjár annir, þar af er ein sumarönn. Hægt er að taka námið í staðnámi og fjarnámi.

Hver eru inntökuskilyrðin í frumgreinanám?

Umsækjandi þarf að hafa lokið 140 FEIN-einingum í framhaldsskóla. Þeir umsækjendur sem eru eldri en 25 ára eiga kost á að fá starfsreynslu sína metna upp í einingar.

Hvað kostar frumgreinanám við Háskólann á Bifröst?

Greitt er fyrir hverja einingu en hún kostar 7.600 kr. Frumgreinanámið er samtals 60 einingar og því kostar námið 456.000 kr. 

03. október 2012