Hvers virði er menntun mín í útlöndum?

Þegar þú ferð í skiptinám eða flytur milli landa vegna vinnu eða skóla, þarftu líklega að sýna hvers virði menntun þín er.

05. júlí 2013
Það eru tvær ástæður fyrir því að þú gætir þurft að fá menntun þína viðurkennda í öðrum löndum: þegar þú ferð í skiptinám, t.d. með Erasmus, eða þegar þig langar að flytja milli landa til þess að læra eða vinna.
 

Evrópska námseiningakerfið (European credit transfer and accumulation system, ECTS)

ECTS námseiningakerfið gerir þér kleift að mennta þig víða í Evrópu. Það er mjög auðvelt að fá menntun þína viðurkennda þegar þú flytur milli landa innan Evrópu því námseiningakerfið er samræmt milli landa.
 
Allir háskólar á Íslandi nota ECTS einingar, og stundum er hægt er að fá framhaldsskólaeiningar reiknaðar í ECTS-einingum. 
 

Hvernig virka ECTS einingar ?

ECTS eining miðast við vinnuálag í náminu:
1 eining = 25-30 klukkustundir af vinnu
1 fullt skólaár = 60 einingar
Algeng lengd BA/BS náms = 180 einingar
Það er svo hver skóli fyrir sig sem ákveður hversu margra eininga virði hvert námskeið er.
 

Er hægt að fá nám sem ekki er í ECTS einingum metið milli landa ? 

Ef þú ert eða hefur verið í námi sem ekki er metið í ECTS einingum, eða að flytja út fyrir Evrópu, þá þarft þú að sækja sérstaklega um að fá menntun þína fullgilda í öðru landi. Það er gert með námsmati eða stöðuprófum. Það hjálpar bæði þér og háskólum erlendis að skilja hvert innihald menntunar þinnar er.
Námsmatið fer ýmist fram í skólum, menntamálaráðuneytum, eða sérstökum námsmatsstofnunum, en það er mismunandi milli landa hvert þú þarft að leita. Til eru sérstakar upplýsingastofur fyrir nám og námsmat í flestum Evrópulöndum 
 
Fyrir frekari upplýsingar  getur þú  haft samband við upplýsingastofuna í þínu heimalandi eða landinu sem þú ert að flytja til. Í löndum þar sem enga slíka upplýsingastofu er að finna, þarft þú að hafa beint samband við menntamálaráðuneyti þess ríkis sem þú ert staddur/stödd í.
 
05. júlí 2013

Ertu með spurningu?

Full nafnleynd og 100% trúnaður.

 

Efni tengt síðu

Mest lesið

Einkalíf |  06.04.2016
Heimilið |  21.04.2015
Einkalíf |  02.05.2016

Mest lesnu svörin

Heilsa & kynlíf |  16.10.2017 Er allt í lagi að sofa hjá 13- 14 ára?
Heilsa & kynlíf |  25.04.2014 Verkir í eggjastokkum
Getnaðarvarnir |  18.07.2013 Hvað gerist ef ég gleymi pillunni?