Önnur gjöld

Ýmis önnur gjöld en skattar leggjast á ákveðin viðskipti eða eignarhald, s.s. bifreiðagjöld og vörugjöld.

04. janúar 2016

Ýmis vörugjöld

Fyrir 1. janúar 2015 voru vörugjöld á ýmsum vörum, en þau voru lögð af. Vörugjald var skattur sem leggðist á ákveðna vöru við innflutning eða framleiðslu hennar. Á Íslandi voru vörugjöld á sykri og sætindum, ökutækjum, gúmmívörum, ýmsum byggingarefnum og varahlutum, ljósum og lömpum, heimilistækjum og fleira. Gjöldin voru mishá eftir flokkum og vörum.

Áfengis- og tóbaksgjald

Sérstakt áfengis- og tóbaksgjald er lagt á áfengi og tóbak.

Álagning á áfengi fer eftir magni alkahóls af rúmmáli umfram 2,25%  

Álagningin er mismunandi eftir því um hvers konar áfengi eða áfenga drykki er að ræða. Sérstakar reglur gilda um gjaldtöku á bjór, aðrar um vín og millisterkt áfengi og enn aðrar um brennda drykki.  Áfengisgjald reiknast eftir lítrafjölda og áfengismagni.

Álagning á tóbak er sem hér segir: 

  • Sígarettur (vindlingar): 448,60 kr. á hvern pakka (20 stk.).
  • Neftóbak: 14,71 kr. á hvert gramm eða hluta úr grammi vöru.
  • Annað tóbak: 16,04 kr. á hvert gramm eða hluta úr grammi vöru.
  • Af tóbaki sem selt er í tollfrjálsum verslunum er greitt 40% af tóbaksgjald.

Bifreiðagjöld

Bifreiðagjöld eru skattur sem leggst á öll vélknúin ökutæki sem skráð eru hér á landi. Ekki skiptir máli hvort um bensín-, dísil- eða rafmagnsknúin ökutæki er að ræða. Gjaldið er mishátt en það veltur á þyngd bílsins og losun koltvísýrings. Því þyngri sem bílinn er, því hærri eru bifreiðagjöldin. Gjaldtímabil bifreiðagjalda eru tvö: 1. janúar til 30. júní og 1. júlí til 31. desember.

  • Á heimasíðu Ríkisskattstjóra má finna reiknivél fyrir bifreiðagjöld. 
  • Á heimasíðu Umferðarstofu má fletta upp í ökutækjaskrá. Þar má sjá þyngd bílsins og skráða losun koltvísýrings (ef hún er til staðar).

Gjald í framkvæmdasjóð aldraðra

Gjald í framkvæmdasjóð aldraðra er nefskattur, en það þýðir að hann leggst jafnt á alla einstaklinga óháð tekjum eða eignum. Árið 2016 er gjaldið er 10.464 kr. á hvern mann og er það greitt árlega. Það leggst á alla einstaklinga sem fæddir eru eftir 1946. Þeir sem þéna að meðaltali 136.466 kr. eða minna á mánuði ( samtals 1.637.600 kr. á ári) þurfa ekki að greiða gjaldið.

Heimildir 

 

04. janúar 2016

Ertu með spurningu?

Full nafnleynd og 100% trúnaður.

 

Staðir tengdir síðu

Mest lesið

Einkalíf |  22.11.2012
Einkalíf |  02.05.2016
Einkalíf |  06.04.2016
Vinna |  10.05.2017

Mest lesnu svörin

Heilsa & kynlíf |  18.07.2013 Hef ekki farið á blæðingar lengi
Fjármál |  16.01.2014 Á ég rétt á einhverjum styrk?