Hvað skal setja í forgang við mánaðarmótin?

Ef reikningar eru ekki greiddir á réttum tíma leggjast á þá dráttavextir sem í dag eru 11,5%

19. september 2012

Hvað er best að borga fyrst?

Allar skuldir sem eru komnar í innheimtu eða vanskil er best að borga fyrst. Eins er mikilvægt að greiða húsaleigu og húsnæðislán sem fyrst, svo þau mál fari ekki í óefni. Þar á eftir ætti að reyna borga af lánum sem bera háa vexti, s.s. yfirdrátt, lán á kreditkortum og smálán. Góð regla er að setja sparnaðinn í forgang ásamt greiðslum af lánum og borga ákveðna upphæð inn á sparnaðarreikning í upphafi mánaðar.

Allir reikningar eru álíka mikilvægir

Ef reikningar eru ekki greiddir á réttum tíma leggjast á þá dráttavextir sem í dag eru 11,5%. Fari reikningar í innheimtu bætist sérstakur innheimtukostnaður við. Sjái fólk ekki fram á að geta greitt ákveðna reikninga, t.d. símreikninga, er sennilega best að láta loka þjónustunni.

Það er alltaf betra að semja

Mikilvægt er að semja við banka og aðra lánadrottna áður en málin eru send í innheimtu. Ef fólk getur ekki borgað ákveðna reikninga við mánaðarmót má mögulega semja um greiðslur. Vissulega er dýrt að skulda - en enn dýrara að standa straum af kostnaði við innheimtu.

19. september 2012

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Heimilið |  21.04.2015
Einkalíf |  02.05.2016

Mest lesnu svörin

Heilsa & kynlíf |  16.10.2017 Er allt í lagi að sofa hjá 13- 14 ára?
Heilsa & kynlíf |  25.04.2014 Verkir í eggjastokkum
Getnaðarvarnir |  18.07.2013 Hvað gerist ef ég gleymi pillunni?