Norðurlöndin

Mikil samvinna er milli norðurlandanna um menningarmál, stjórnmál, atvinnu, nám og fleira.

19. október 2016
Mikil samvinna er milli norðurlandanna um menningarmál, stjórnmál, atvinnu, nám og fleira. Að flytja til milli norðurlanda er mun auðveldara fyrir Íslendinga en að flytja til annarra landa. Ástæðan fyrir því er sú að ríkisstjórnir á norðurlöndum hafa gert samninga sín á milli um atvinnu, nám og búsetu á norðurlöndum. 
 

Hver eru norðulöndin?

Ísland, Danmörk, Grænland, Færeyjar, Noregur, Svíþjóð, Finnland og Álandseyjar eru norðurlönd. Grænland og Færeyjar tilheyra Danmörku, Álandseyjar tilheyra Finnlandi, en hin löndin eru sjálfstæð og fullvalda ríki. Stundum ruglar fólk saman norðurlöndunum og Skandinavíu, en í Skandinavíu eru bara Noregur og Svíþjóð.
 

Norden - opinbert samstarf Norðurlandanna

Á vef Norden má finna ýmsar gagnlegar upplýsingar fyrir þá sem hyggjast flytja innan Norðurlandanna.
 

Hvað er Norræna félagið?

Norræna félagið er félag fólks sem hefur áhuga á að efla samstarf og vináttutengsl Íslendinga við aðra norðurlandabúa. Félagið stendur fyrir ýmsum menningarviðburðum, tungumálanámskeiðum, útgáfu, vinabæjamótum, Nordjobb og mörgu fleira. Þú getur gengið í norræna félagið ef þú hefur áhuga á norðurlöndunum, og svo er einnig hægt að ganga í Nordklúbbinn, sem er ungliðadeild norræna félagsins.
 

Hvað er Norðurlandaráð?

Norðurlandaráð er samstarfsvettvangur fyrir þjóðþing norðurlandanna. Ráðið fjallar um ýmis sameiginleg hagsmuna- og stefnumál norðurlandanna.
Sími: +45 33 96 04 00,
Heimilisfang: Ved Stranden 18
1061 København K
Danmark
 

Hvað er Norræna ráðherranefndin?

Norræna ráðherranefndin er samstarfsvettvangur ríkisstjórna norðurlandanna, og vinnur í nánu samstarfi við Norðurlandaráð. Ráðherranefndin rekur Norræna húsið, sem stendur fyrir ýmsum menningarviðburðum.
Netfang: nmr@norden.org
Sími: +45 33 96 02 00, 
Heimilisfang: Ved Stranden 18
1061 København K
Danmark
 
19. október 2016

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Vinna |  10.05.2017
Einkalíf |  02.05.2016

Mest lesnu svörin

Nám |  04.09.2017 Meðaleinkunn inn í Versló
Heilsa & kynlíf |  02.05.2016 Útbrot á typpið
Stelpuhorn |  18.09.2017 Hvernig fer ég í fóstureyðingu?