Skemmtilegri kosningar og Betri Reykjavík, takk!

Hugmyndin með Betri Reykjavík snýst um að leyfa okkur að ráða meira. Gefa okkur tækifæri til að breyta borg óttans í eitthvað ennþá betra. Hugmyndirnar koma allar frá íbúum Reykjavíkur og það eru líka þeir sem kjósa.

20. desember 2016

Lýsingarorðið „skemmtilegt“ kemur sjaldnast upp í huga fólks þegar það hugsar um kosningar. Frekar eru það myndir af þrasandi stjórnmálamönnum, fagurrauðum í framan að taka alltof stórt upp í sig. Eða hugsjónasóðum að spúa  litríkum orðaælum á þing-, borgar- eða forseta- leveli (samt bara með 3 í skills). Framhalds- og menntaskólapólitík tekst meira að segja að verða leiðinleg stundum – þó svo að barráttan snúist yfirleitt um samlokugrill eða fría smokka fyrir nemendur. En FYI: þá eru til skemmtilegar kosningarnar og þær eru í gangi þessa dagana.

Hugmyndin með Betri Reykjavík snýst um að leyfa okkur að ráða meira. Gefa okkur tækifæri til að breyta borg óttans í eitthvað ennþá betra. Hugmyndirnar koma allar frá íbúum Reykjavíkur og það eru líka þeir sem kjósa. Því miður fyrir okkur unga fólkið þá er meðalaldur kjósenda frekar hár sem þýðir að hvíldarbekkir á fjölförnum gönguleiðum eldri borgara fá yfirleitt kosningu. En það þarf ekki að vera svoleiðis. Í fyrra tókst til dæmis nokkrum krökkum úr Hagaskóla að fá kosna hjólabrettaaðstöðu í sínu hverfi – og allt eftir þeirra höfði!

Það er ekkert sérstaklega flókið að kjósa. Þú ferð inn á kjosa.betrireykjavik.is. Skráir þig inn með Íslykli, velur hverfi og velur svo þau verkefni sem þig langar að sjá framkvæmd. Með þessu móti getur unga fólkið haft frekari áhrif á sitt næsta umhverfi. Og nota bene: þarna fáum við kosningarétt 16 ára. Á næsta ári gætir þú svo prófað að setja inn hugmynd sjálf/ur og þannig nota lýðræðislegan rétt þinn ennþá betur.

 Ég kaus í Vesturbæ. Ég valdi:

  • „Leynigarðinn“.
  • Skammdegislýsinguna.
  • Upphituð strætóskýli.
  • Gönguljós í Mýrargötu.

Hvað ætlar þú að kjósa? kosningar fara fram á vef Reykjavíkurborgar 

Höfundur: Guðmundur Vestmann

20. desember 2016

Höfundur:

Guðmundur Vestmann

Guðmundur er textasmiður, pabbi, austfirðingur, kattareigandi og sérlegur áhugamaður um tækni og tól. Í lífinu kýs hann að vera ekki „fighter“ – heldur „lover“.

Ertu með spurningu?

Full nafnleynd og 100% trúnaður.

 

Mest lesið

Vinna |  10.05.2017
Einkalíf |  06.04.2016
Einkalíf |  02.05.2016
Einkalíf |  22.11.2012