Hagsmunasamtök heimilanna

Samtök sem beita sér fyrir brýnum fjárhagsvanda heimilanna í landinu

10. ágúst 2015

Hvað eru Hagsmunasamtök heimilanna?

Hagsmunasamtök heimilanna eru frjáls og óháð hagsmunasamtök á neytendasviði, til varnar og hagsbóta fyrir heimilin í landinu. Þau voru stofnuð 15. janúar 2009.

Hvernig starfa Hagsmunasamtök heimilanna?

Samtökin byggja á lýðræðislegum grunni þar sem félagar hafa jafnan rétt til áhrifa. Stjórn samtakanna er lýðræðislega kjörin og baráttumál eru lýðræðislega samþykkt á félagsfundi. Samtökin starfa fyrir landið allt, en deildir geta starfað sjálfstætt á ákveðnum svæðum landsins, en þó undir samþykktum og verkferlum samtakanna. Félagsmenn eru hvattir til að taka þátt í starfssemi samtakanna og taka þannig beinan þátt í hagsmunagæslu og endurbótum í þágu heimilanna í landinu.

Hver er helsti tilgangur Hagsmunasamtaka heimilanna?

Tilgangur samtakanna er að veita fólkinu í landinu möguleika til að sameinast um og að taka þátt í að verja hagsmuni heimilanna með þátttöku sinni, vera talsmaður og málsvari í umræðum um hagsmuni heimilanna til skemmri og lengri tíma.

Hver eru helstu markmið Hagsmunasamtaka heimilanna?

Helsta skammtíma markmið samtakanna er að taka á brýnum fjárhagsvanda heimilanna í landinu, vegna þess ástands sem skapast hefur í efnahagsmálum og forða heimilunum í landinu frá ósanngjarnri eignaupptöku, óbærilegum skuldaklyfjum og upplausn. Samtökin hafa m.a. að markmiði að knýja fram leiðréttingu verðtryggðra og gengisbundina húsnæðislána og að jafna ábyrgð milli lántakenda og lánveitenda.

Hvaða skilyrði eru fyrir inngöngu í Hagsmunasamtök heimilanna?

Aðild að samtökunum er persónubundin. Meðlimir skulu vera a.m.k. 18 ára og með aðild styðja félagsmenn stefnu og markmið samtakanna.

Svör við þessum spurningum voru fengin af vef samtakanna, heimilin.is.

Hvar eru hagsmunasamtök heimilanna og hvernig hef ég samband?

Hagsmunasamtök heimilanna
Ármúli 5, 3. hæð 
108 Reykjavík
Netfang: heimilin@heimilin.is
Heimasíða: http://www.heimilin.is

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Vinna |  20.02.2015
Einkalíf |  02.05.2016
Vinna |  10.05.2017

Mest lesnu svörin

Heilsa & kynlíf |  23.08.2013 Slit á lærin og rassinn
Heilsa & kynlíf |  02.05.2016 Kynlífsstellingar