MFM Miðstöðin

Meðferða- og fræðslumiðstöð vegna matarfíknar og átraskana.

26. nóvember 2012

MFM Miðstöðin  

Síðumúla 6, 2 hæð
108 Reykjavík
Sími:  568-3868  
Gemsi: 896-3868
Netfang:  matarfikn@matarfikn.is
Heimasíða: http://matarfikn.is

Hvað er MFM Miðstöðin?

MFM Miðstöðin er meðferða- og fræðslumiðstöð vegna matarfíknar og átraskana.
Hjá MFM er boðið upp á einstaklingsmiðaða meðferð sem stuðlar að líkamlegum, tilfinningalegum/huglægum og andlegum bata fyrir þá sem fá skimun um matarfíkn og/eða átraskanir.

Einstaklingsmiðuð meðferð hjá MFM matarfíknarmiðstöðinni innifelur:

  • fræðslu um offitu, matar-/sykurfíkn og átraskanir; orsakir og afleiðingar;
  • ráðgjöf og kynningu á  leiðum til lausna, m.a. 12 spora bataleiðinni;
  • meðferð og stuðning í  meðferðahópum og einstaklingsviðtölum;
  • leiðbeiningar um breytt mataræði og stuðning við fráhald;
  • matreiðslunámskeið, þ.e.a.s. lært er að elda fyrir nýjan lífstíl.

Fyrsta skrefið er að koma í einstaklingsviðtal.

Hvernig gengur meðferð hjá MFM fyrir sig?

Fyrsta skref

Fyrsta skrefið er viðtal; þar er farið yfir sögu viðkomandi hvað varðar matar- og þyngdarmál og ferli sett af stað til að kanna hvort um matarfíkn og/eða átraskanir geti verið að ræða.  Það ferli getur tekið eitt til tvö viðtöl.
Fyrir þá sem búa ekki á höfuðborgarsvæðinu er boðið upp á síma/eða skype viðtöl.

Annað skref

12 vikna meðferð.
Hún hefst með undirbúningsfundi og helgarnámskeiði, þar sem skjólstæðingar hefja meðferð. Í meðferðinni er unnið að breytingum á matarræði og fráhald hafið, lært að elda fyrir nýjan lífstíl, og lagður grunnur að einstaklingsmiðaðri meðferð. Meðferðin felur í sér daglegan stuðning við matardagskrá, stuðningshóp sem hittist einu sinni í viku, tvo tíma í senn, vikulega fyrirlestra og kynningar, m.a. á 12 spora bataleiðinni, ásamt einstaklingsviðtölum eftir þörfum. Eining er mælt með 12 spora batahópum eins og OA og GSA ásamt öðrum meðferðahópum sem vinna m.a. með meðvirkni.
Í meðferðinni er leitast við að styðja skjólstæðinga í breyttum lífstíl og bataferli sem felur í sér stuðning við þær mataræðisbreytingar sem viðkomandi er að takast á við, ásamt því að skoða hver er undirliggjandi orsök vandans og aðstoða viðkomandi við að ná tökum á honum.

Þriðja skref

16 vikna framhaldsmeðferð fyrir þá sem hafa lokið 12 vikna meðferðinni og vilja áframhaldandi stuðning og dýpri vinnu.

Fjórða skref

Að viðhalda batanum. Þetta skref getur falið í sér regluleg viðtöl með ráðgjöfum MFM miðstöðvarinnar, stuðningshóp sem hittist mánaðarlega og endurkomur í skemmri og lengri tíma eftir þörfum. Mælt er með að lágmarki 12 vikna meðferð og boðið upp á framhald sem getur tekið allt að ár eða lengur.

 

Ertu með spurningu?

Full nafnleynd og 100% trúnaður.

 

Mest lesið

Einkalíf |  22.11.2012
Einkalíf |  02.05.2016
Einkalíf |  06.04.2016
Vinna |  10.05.2017

Mest lesnu svörin

Heilsa & kynlíf |  18.07.2013 Hef ekki farið á blæðingar lengi
Fjármál |  16.01.2014 Á ég rétt á einhverjum styrk?