Afhverju er ég svona sjaldan í stuði fyrir að ríða?

09. apríl 2018

Spurning

Hæhæ, eg er með svolítið persónulegar pælingar sem mig langar að spyrja. Þannig er mál með vexti að ég er í sambandi með strák og við eum buin að vera saman i u.þ.b. 1 og hálft ár, eg er búin að vera að spá undanfarið Afhverju eg er svo sjaldan i stuði fyrir að riða? Þegar við vorum fyrst að byrja að stunda kynlíf var eg mjög spennt fyrir þvi en núna i dag er eg svo sjaldan i stuði til þess. Ástæðan gæti kannski verið að hann fær það stundum svo fljótt að eg næ ekki að njóta eða eitthvað en svo er eg lika að spa hvað við getum gert til að eg fái það oftar? Þvi eg fæ það ekki svo oft þegar við stundum kynlíf.

Ég held þú hafir fundið ástæðuna sjálf fyrir áhugaleysinu.  Ef þú ert að fá lítið út úr kynlífinu ykkar þá er líklegt að áhuginn fyrir að stunda það verði ekki mikill.  Það er best ef þú treystir þér til að ræða þetta við kærastann, að láta hann vita að þér þykir leitt að áhugin þinn hafi minnkað og láta hann vita hvað væri hægt að gera til að bæta áhugann.  Til dæmis lengja forleikinn, það eru margar konur sem þá það ekki við samfarir, hjá mörgun hjálpar að nudda snípinn í leiðinni, að velja stellingu þar sem hægt er að nudda snípinn meðan þið hafið samfarir.  Eða passa að þú fáir að fyrst eða á eftir með öðrum leiðum en samförum.   

Það er líka mikilvægt að átta sig á að kynlíf og forleikur getur byrjað langt áður en farið er upp í rúm.  Að hrósa, faðma, heyra að þú sért falleg, að þér finnsit þú örugg í sambandinu, að þið séuð góð við hvort annað og styðjið hovrt annað.  Það hjálpar líka til að auka áhugan á kynlífi.

Einnig getur allt álag, kvíði, depurð haft þau áhrif að áhuginn á kynlífi hverfur, þá er mikilvægt að ræða það við kærastann og fá aðstoð við að vinna úr því, etv. hjá skólahjúkrunarfræðingi, sálfræðingi eða lækni.

Ég vona að þetta svar hjálpi eitthvað.  Endilega skrifaðu aftur ef þú vilt spyrja meira um þetta eða eitthvað allt annað.  

Gangi þér vel.

09. apríl 2018

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Vinna |  10.05.2017
Heilsa & kynlíf |  16.12.2014
Einkalíf |  02.05.2016

Mest lesnu svörin

Heilsa & kynlíf |  02.05.2016 Hvað er G-blettur?
Stelpuhorn |  18.09.2017 Hvernig fer ég í fóstureyðingu?