Ég stunda sjálfsfróun alveg ágætlega reglulega

02. maí 2016

Spurning

Sæl.

Ég er 15 ára stelpa (16 ára í haust) og ég hef aldrei fengið fullnægingu.
Ég stunda sjálfsfróun alveg ágætlega reglulega og ég finn alveg hvað er gott og hvað ekki og ég fá pínu vellíðunartilfinningu. Hún byggist upp í smá stund en fer svo oftast og þá hætti ég. Þetta getur engan veginn verið fullnæging.

Stundum nota ég sturtuhausinn til þess að hjálpa mér og það er mjög þægilegt. Þá byggist vellíðunartilfinningin upp í mun hærri skala en ég get þó einhvern veginn ekki fengið það. Ég fer að kippast til (eins og ég hef heyrt lýsingar af því að gerist þegar maður fær það) og finn að þetta er alveg að koma. Það er eins og ég þurfi bara aðeins að slaka á og "opna" fyrir fullnægingunni og þá kemur hún. En ég einhvern veginn bara get það ekki og get best lýst því bara eins og ég sé að springa.

Ég er alveg viss um að það sé ekkert "að" mér eða neitt þannig. Mig langar bara svo rosalega að upplifa fullnægingu. Ég vona að þið skiljið útskýringar mínar.

Mitt ráð til þín er að gefast ekki upp.  Þú ert að gera allt rétt og það mun koma að því að fullnægingin magnast.  Að því sögðu þá er svakalega erfitt að lýsa fullnægingu og ákvarða hvað sé alvöru fullnæging.  Þær geta verið mislangar og miskröftugar.  Svo  snýst þetta auðvitað um upplifun hverrar konu fyrir sig.  Líklega er það alveg rétt hjá þér að þú þurfir að æfa þig í að slaka á og leifa fullnægingunni að taka yfir.  Kannski er eitthvað stress eða einhverjar hugsanir sem læða sér að og trufla þegar fullnægingin er að koma?  Gæti verið að þú farir að hugsa hvort það heyrist til þín eða hvort einhver sé nokkuð að koma eða eitthvað þannig sem truflar?   Þetta er æfing í að kynnast líkamanum, hvað virkar og hvað ekki.  Haltu æfingunni áfram og reyndu að finna þér moment þar sem þú ert alveg í friði og getur einbeitt þér að stundinni.  Kannski það hjálpi.

Bestu kveðjur.

02. maí 2016

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Vinna |  10.05.2017
Einkalíf |  02.05.2016