Hvar finn ég vinnu? Ég er 14 ára og ég vil helst fara að vinna.

18. október 2016

Spurning

hæhæ,

ég var að pæla... ég er 14 ára og ég vil helst fara að vinna. eru einhverjir staðir sem bjóða upp á starf fyrir unglinga eins og mig heh... (sjoppa eða matvörubúð kannski) eru Hagkaup og Bónus bara að bjóða upp á störf fyrir unglina á sumrin? ohh :( vinsamlegast svara mér sem fyrst :) takk

Hæ,

það er spurning hvort það sé eitthvað rosalega sniðugt að fá sér vinnu með skóla þegar maður er í 9. bekk. það er miklu frekar að einbeita sér að námi og tómstundum.  Því framundan í lífinu er mikill tími sem þú átt eftir að eyða í vinnu. Ég myndi miklu heldur njóta þess að vera 14 ára og nota fríatímann með vinum.

En til að svara spurningunni þinni þá verð ég að byrja á því að segja þér að á Íslandi eru lög og reglur sem takmarka það hvað börn og ungmenni mega starfa við. Í þínu tilfelli þá mega allir 13-14 ára vinna létt störf í allt að 2 klst. á dag á starfstíma skóla en 7 klst. á dag utan starfstíma skóla. Þó má ekki vinna á milli kl. 20 á kvöldin til kl. 6 á morgnana og þú átt rétt á a.m.k. 14 klst. hvíld á sólarhring.  Kynntu þér betur reglur um vinnutíma barna og ungmenna á vef VR

Ef þú ert full viss um að leita þér að vinnu, þá þarf oft ekki að leita langt til að bjóða fram krafta sína. Fjölskyldufólk er oft í leit að ábyrgum aðila sem það treystir til að passa börnin af og til, og sumir vilja gjarnan borga fyrir að láta þrífa heima hjá sér eða þrífa bílinn. Slík aukavinna getur oftar en ekki verið mjög heimilisleg og hugguleg og boðið upp á skemmtileg samskipti. Þá er líka oft þörf á blaðberum til að bera út blöð á morgnanna t.d. hjá morgunblaðinu

Síðast og ekki síst ræddu þessi áform þín við foreldra þína. Því þau þurfa að samþykkja að þú skrifir undir ráðningasamning.

Kveðja

Sindri Snær 

18. október 2016

Ertu með spurningu?

Full nafnleynd og 100% trúnaður.

 

Spurningar tengdar síðu

Mest lesið

Einkalíf |  06.04.2016
Heimilið |  21.04.2015
Einkalíf |  02.05.2016

Mest lesnu svörin

Heilsa & kynlíf |  16.10.2017 Er allt í lagi að sofa hjá 13- 14 ára?
Heilsa & kynlíf |  25.04.2014 Verkir í eggjastokkum
Getnaðarvarnir |  18.07.2013 Hvað gerist ef ég gleymi pillunni?