slæm útferð

29. maí 2012

Spurning

eg er 17 árastelpa .. þetta byrjaði fyri svona nokkrum manuðum að það kemur altaf svo vond lykt ur pikuni minni.. eg get ekki opnað a mer klofið þa rikur bara svona sur lykt úr.. eg þrifana reglulega en ekki með sápu eða neitt en eftir sma stund kemru þetta aftur... þetta er að drepa mig..... hjalp
Sæl vertu 17 ára stúlka og afskaðu hvað dregist hefur að svara þér. Lyktin úr píkunni á okkur getur verið mismunandi eftir því hvar við erum staddar á tíðahringnum og síðan getur komið sterkari lykt ef píkan fær ekki "anda" það er ef þú ert t.d. alltaf í þröngum buxum og notar t.d mikið innlegg. Einnig dettur mér í hug að þú gætir verið með sveppa eða bakteríusýkingu í leggöngum. Þetta eru sveppir sem eru til staðar í leggöngunum okkar en geta farið að fjölga sér óhóflega við vissar ástæður s.s. t.d. ef sýrustig í leggöngunum breytist, það er margt sem getur valdið því s.s. blæðingar, pillan, sæði, sykurneysla, og frv... Einkenni sveppasýkingar eru oft meiri útferð en venjulega og e.t.v sterkari lykt af henni, einnig er húðin á þessu svæði oft rauð og aum og kláði eða sviði fylgir. Ef þú kannast við þessi einkenni er einfaldast að fara í næsta apótek og kaupa krem og stíla sem gagnast við sveppaskýkingum. Ef útferðin er mikil og græn eða gulleit og vond lykt af henni skaltu strax panta þér tíma hjá lækni þar sem þá gæti verið um bakteríusýkingu að ræða sem þarf að meðhöndla með lyfjum. Ef þér finnst þessar lýsingar ekki passa og þetta vandamál lagast ekki skaltu endilega hafa samband við kvensjúkdómalækni og leita ráða þar. Vona að þetta hjálpi þér eitthvað,
29. maí 2012