Vinna með skóla

20. ágúst 2013

Spurning

Sæl/l ég er 17ára strákur og er búinn að sækja um atvinnu/starf í öllum helstu matvörverslunum í rvk og flestum verslunum/sjoppum og ísbúðum í nágrenni við þar sem ég bý. En hef aldrei fengið neina símhringingu eða einhvers konar tilkynningu um starf á neinum af þessum stöðum. Og mig vantar nauðsynlega vinnu með skólanum, og var að velta því fyrir mér hvernig ég ætti að snúa mér í þessu máli og ákvað að leita svara hérna. Öll svör eru vel þegin.... :)

Sæll,

Það er því miður erfiðra núna en oft áður að finna sér hlutastarf og því mikilvægt að vera með vel á hreinu hvernig maður ber sig að í að sækja um vinnu. Það fyrsta sem þú þarft að hafa er vel uppsett og skýr ferilskrá og gott er að senda hana í viðhengi við umsókn þegar að sótt er um starf. Þegar þú hefur sótt um starf getur hjálpað að fara persónulega með umsóknina eða senda tölvupóst ef umsókn er á rafrænu formi til þess að fylgja því eftir að umsókn hafi borist. Það er mjög mikilvægt í atvinnuleitinni að fylgja umsókn eftir þar að segja að senda póst eða hringja sjálfur til þess að athuga hvort að umsókn þín hafi borist eða hvort búið sé að ráða í stöðuna.  Oft eru störf ekki auglýst og þá getur verið gott að hringja í þau fyrirtæki /stofnanir sem þú hefur áhuga á að starfa hjá og biðja um netfang hjá þeim aðila sem sér um ráðningarmál og senda honum ferilskrána þína. 

Ef þig vantar frekari aðstoð í atvinnuleitinni þá er Hitt Húsið að bjóða uppá stutt námskeið sem heitir „spíttu í lófana“ sem er til þess að aðstoða ungt fólk í atvinnuleitinni sem hefst núna í byrjun febrúar. Allar nánari upplýsingar eru á heimasíðunni www.hitthusid.is.

Áttavitinn hefur einnig að geyma grein um hvar hægt sé að finna vinnu með skóla 

Gangi þér vel,

Bestu kveðjur

20. ágúst 2013

Ertu með spurningu?

Full nafnleynd og 100% trúnaður.

 

Mest lesið

Einkalíf |  06.04.2016
Einkalíf |  02.05.2016
Einkalíf |  11.08.2017
Fjármál |  31.05.2016

Mest lesnu svörin

Heilsa & kynlíf |  16.10.2017 Er allt í lagi að sofa hjá 13- 14 ára?
Heilsa & kynlíf |  02.05.2016 Kynlífsstellingar