Persónuafsláttur og skattkort

Persónuafslátturinn er skattaafsláttur sem veittur er öllum einstaklingum eldri en 16 ára.

10. janúar 2017

Rafrænn persónuafsláttur - almennar upplýsingar

Hvað er persónuafsláttur?

Persónuafsláttur er skattaafsláttur sem veittur er öllum einstaklingum eldri en 16 ára. Persónuafsláttur er alltaf hinn sami, óháð tekjum. Fólk greiðir hinsvegar misháa prósentu í skatt eftir tekjum. Skattþrepin eru þrjú:

  • Þeir sem þéna 0 - 336.035 kr. á mánuði greiða 37,13% í skatt.
  • Þeir sem þéna 336.036 til 836.990 kr. á mánuði greiða 38,35% í skatt.
  • Þeir sem þéna yfir 836.990 kr. greiða 46,25% í skatt.

Staðgreiðsla skatta er reiknuð þannig að greiddur er 37,13% skattur af fyrstu 336.035 krónum, 38,35% skattur af næstu 500.955 krónum og 46,25% af öllum tekjum sem eru umfram kr. 836.990 krónum. Þannig er tryggt að þú tapir ekki á því að vinna meira eða þiggja launahækkun sem fæirir þig upp um skattþrep.

Hversu hár er persónuafslátturinn?

Persónuafsláttur er 626.280 kr. á ári, eða 52.920 kr. á mánuði. Persónuafslætti má safna upp á milli mánaða og nýta síðar. Uppsafnaður persónuafsláttur sem ekki er nýttur innan skattárs fellur niður við lok þess.

Á heimasíðu Ríkisskattstjóra má finna reiknivél fyrir staðgreiðslu skatta.

Skattkort heitir núna rafrænn persónuafsláttur

Frá og með árinu 2016 er skattkort lagt niður og í staðinn tekinn upp rafrænn persónuafsláttur. Þessi persónuafsláttur er það sama og gamla skattkortið og þú þarft ekki að gera neinar sérstakar ráðstafanir við þessa breytingu.

Hvernig virkar rafrænn persónuafsláttur?

Í stað þess að afhenda launagreiðanda skattkortið þitt segir þú launagreiðandanum þínum hvort þú ætlir að nýta persónuafsláttinn og hversu hátt hlutfall. Það er hægt að gera þegar þú skrifar undir ráðningarsamninginn eða með símtali eða tölvupósti eftir að ráðið hefur verið í starfið.

Uppsafnaður persónuafsláttur

Ef þú átt uppsafnaðan persónuafslátt sem þú vilt nýta þér í því starfi sem þú ert að byrja í, þá er það á þína ábyrgð að finna út stöðuna og upplýsa nýja launagreiðanda um það. Upplýsingar um stöðu á persónuafslættinum er að finna á þjónustusíðu Ríkisskattsstjóra.

Allar nánari upplýsingar og mörg góð kynningarmyndböndum rafræna persónuafsláttinn er að finna á rsk.is/personuafslattur.

Kynningarmyndbandið og heimildir eru af vef ríkisskattstjóra rsk.is

10. janúar 2017

Ertu með spurningu?

Full nafnleynd og 100% trúnaður.

 

Staðir tengdir síðu

Mest lesið

Einkalíf |  06.04.2016
Einkalíf |  02.05.2016
Vinna |  28.01.2016
Heimilið |  21.04.2015