Háskólabrú Keilis

Hvað er háskólabrú?

Háskólabrú er leið inn í háskóla fyrir fólk sem ekki hefur lokið stúdentsprófi. Að náminu loknu öðlast nemendur ígildi stúdentsprófs og geta þannig innritast í háskóla hérlendis og erlendis. Bæði er hægt að stunda námið í staðnámi og fjarnámi. Kennsla fer fram á gamla herstöðvarsvæðinu við Keflavík og gengur rúta þaðan til og frá Reykjavík nemendum að kostnaðarlausu.

Hver eru inntökuskilyrðin í háskólabrú?

Miðað er við að nemendur séu orðnir 23 ára og hafi lokið 70 einingum (117 framhaldsskólaeiningum samkvæmt nýja einingakerfinu) á framhaldsskólastigi eða hafi lokið við námsleiðina Menntastoðir. Einnig þurfa umsækjendur að hafa klárað allavega 10 feiningar í grunnfögunum þremur stærðfræði, íslensku og ensku.

Hversu langt er nám í háskólabrú og hvernig gengur það fyrir sig?

Námið tekur venjulega tvær annir eða eitt ár hvort sem það er tekið í staðnámi eða fjarnámi. Boðið er upp á fjórar deildir: félagsvísinda- og lagadeild, hugvísindadeild, viðskipta- og hagfræðideild og verk- og raunvísindadeild. Nám í verk- og raunvísindadeild tekur þrjár annir. Kennsla fer fram í fyrirlestrum, verkefnatímum og verklegum tímum ef við á.

Hvað kostar nám í háskólabrú?

Staðfestingargjald er 78.500. og er innifalið í námsgjöldum.

Hver áfangi á Háskólabrú kostar 23.500 kr. hvort sem þú velur fjar- eða staðnám.

Þannig kostar t.d. tveggja anna nám í félagsvísindadeild 290.000 kr.- sem telst fullt nám. Fullt nám á viðskipta- og hagfræðideild kostar 337.000 kr.-, nám í verkfræði- og raunvísindadeild 384.000 kr.- og nám í hugvísindadeild er á 325.500 kr.

Hér er nánar um námsgjöld Háskólabrúnnar: https://www.keilir.net/haskolabru/haskolabru/um-haskolabru/namsgjold

Námið er lánshæft hjá LÍN.