Gleymdum að nota smokkinn…

347

hæhæ, ég og kærasti minn byrjuðum að stunda kynlíf um daginn og við notum alltaf smokk, en fyrir viku c.a þá var eh svona „moment“ og við gleymdum að nota smokkinn… en hann tók han út áður en hann fékk það. Hann semsagt fékk það ekki inn í mig, en það kemur alltaf eh smá sæði sem hefur bara verið eftir i limnum þegar hann hefur td fróað sér seinast… átti að byrja á túr í gær eða í dag, er ekki ennþá byrjuð… eru eih líkur á því að ég sé ólétt? Enginn í fjölkyldunni veit að ég sé byrjuð að stunda kynlíf og þori ekki að tala við þau um þetta, en væri mjög þakklát að fá svar sem fyrst.. Kv. ein stressuð

Ég get því miður ekki sagt að það séu engar líkur á því að þú sért ólétt.  Það er rétt hjá þér að sæði getur komist inn í leggöngin áður en fullnæging verður.  Þess vegna er þessi aðferð..að kippa honum út…alls ekki örugg.  Þú ættir að taka þungunarpróf  til að vera viss.  Þú færð keypt þungunarpróf í apótekinu.  Þú skalt taka prófið, passa vel að fylgja leiðbeiningunum, og ef það er neikvætt en blæðingar koma ekki, þá skaltu taka annað próf 2-3 dögum seinna til að vera viss.  Ef það er líka neikvætt þá er allt í fína að sjá til hvort að blæðingar verði ekki bara eðlilegar næst. 

Það er líka mikilvægt að hafa í huga að kynsjúkdómar geta líka valdið rugli á blæðingum þannig að ef það er séns á því að þú hafir smitast þá verður þú að fara í tékk.  Þú getur gert það á heilsugæslunni í þínu hverfi, á göngudeild húð- og kyndsjúkdóma eða farið til kvensjúdómalæknis.

Hvað sem verður niðurstaðan hjá þér þá ráðlegg ég þér að panta þér tíma hjá lækni og ræða getnaðarvarnir, hugsa málið hvort þú viljir fara á hormónagetnaðarvörn, pilluna eða annað.  Best af öllu ef þú ræðir þetta við foreldra fyrst.  En ef þú treystir þér ekki til þess þá getur þú pantað þér tíma sjálf hjá lækni eða hjúkrunarfræðingi á heilsugæslunni.

Gangi þér vel.


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar