Virðisaukaskattur

Hvað er virðisaukaskattur?

Virðisaukaskattur (einnig þekktur sem vaskur) er almennur neysluskattur, en það þýðir að hann leggst á öll viðskipti með peningum innanlands. Einnig er hann lagður á selda þjónustu og innfluttar vörur. Skattþrepin eru tvö: 11% og 24%.

11% skattur er greiddur af…

• öllum matvælum;
• bókum og tímaritum;
• hljómdiskum;
• sölu á heitu vatni, rafmagni og olíu;
• sölu á veitinga- og hótelþjónustu.

Ekki er greiddur virðisaukaskattur af…

• félags- og heilbrigðisþjónustu;
• kennslu og rekstri skóla;
• íþróttastarfsemi;
• fólksflutningum, t.d. í rútum og leigubílum;
• póstþjónustu;
• leigu á fasteignum og bifreiðastæðum;
• tryggingastarfsemi og þjónustu fjármálafyrirtækja;
• happdrætti og getraunastarfsemi;
• ýmis konar lista- og menningarstarfsemi;
• útfara- og prestþjónustu.

24% vaskur leggst á öll önnur almenn viðskipti.