Hvað er fjármagnstekjuskattur?
Fjármagnstekjuskattur er skattur sem leggst á einstaklinga. Árið 2016 er fjármagnstekjuskatturinn 20%. Þessi skattur rennur óskiptur til ríkisins. Skatturinn leggst á:
- tekjur af vöxtum, s.s. ef fólk ávaxtar peninga í banka eða hagnast af skuldabréfaeign;
- tekjur af leigu á húsnæði; (eingöngu 50% af tekjunum eru skatlagðar)
- hagnað af sölu fasteigna og verðbréfa;
- arð (þ.e. hagnað) hluthafa í fyrirtækjum.
Fyrirtæki greiða ekki sérstakan fjármagnstekjukjuskatt heldur greiða þau skatt af fjármagnstekjum eftir sömu reglum og gilda um aðrar rekstrartekjur fyrirtækja. Yfirleitt greiða þau 20% skatt en það fer eftir gerð fyrirtækisins. Í ákveðnum tilfellum greiða félög 36% skatt.
Hafa skal í huga að tekjuskattur getur verið mismunandi eftir tilfellum. T.d. gilda ýmis frítekjumörk.
Heimildir og frekari upplýsingar