HæHæ, Ég er 13 ára stelpa og er nýbyrjuð að stunda kynmök með kærastanum mínum (veit ekki hvort þetta hafi með það að gera) Hann er 14 ára (einu ári eldri en ég) Ég hef upplifað rosaalega mikinn kláða í allri píkunni bara, ekki í leggöngum eða neitt svoleiðis. Ytri skapbarmar mínir eru líka búnir að bolgna út og orðnir helmingi stærri en þeir eiga að vera!!… hvað gæti þetta verið? Hvað get ég gert? væri til í að fá svar sem fyrst. Er ekki með neinar bólur eða einhver önnur einkenni
Hæ
Ef það er einhver séns á kynsjúkdómasmiti þá verður þú að fara í tékk. Það er bara séns á kynsjúkdómi ef að þú eða hann hefur haft samfarir við einvhern annan og þá pantið þið tíma á göngudeild húð- og kynsjúkdóma í síma 5436050 eða pantið tíma á heilsugæslunni í hverfinu. Ef það er ekki séns á kynsjúkdómi þá finnst mér líklegt að þetta sé sveppasýking. Það er ekki kynsjúkdómur. Þú færð lyf við sveppasýkingu í apótekinu án þess að vera með lyfseðil. Það eru krem sem heita Canesten eða Pevaryl. Þú getur keypt annað hvort og notað samkvæmt leiðbeiningum, mikilvægt að klára meðferðina og nota kremið í 3-4 daga eftir að einkennin hverfa til að losna alveg við sýkinguna. Það er ráðlagt að hann noti kremið líka til að koma í veg fyrir að hann smiti þig eða þú hann þegar þið hafir samfarir. Sveppasýking er ekki hættuleg og eins og áður sagði ekki kynsjúkdómur og ekkert til að skammast sín fyrir. Þetta er frekar algengt vandamál og þarf ekki að tengjast því neitt að þið eruð farin að stunda kynlíf saman.
Gangi þér vel.
HVAÐ SEGIR ÞÚ UM ÞETTA EFNI?