Ég er hrifin af strák, hvað geri ég?

322

Hæhæ, ég er í 9 bekk
Það er einn strákur sem ég er með í bekk og þekki alveg frekar vel og ég talaði mjög oft við í skólanum og núna er ég búin að vera að tala við hann á snapchat í smá tíma og hann er rosa sætur við mig þar og spyr hvernig dagurinn minn er búinn að vera og eitthvað svoleiðis og ég er byrjuð að vera hrifin af honum en ég þori núna ekki að tala við hann í skólanum og ég er hrædd um að það sé augljóst að ég sé skotinn í honum en ég veit ekki hvort hann sé til í að vera meira en bara vinir og bara eitthvað svona alls konar og ég er að spá hvort ég eigi að segja eitthvað við hann um það eða ekki. Ég er hrædd um að það verði vandræðalegt ef ég segi honum þótt hann sé líka skotinn í mér. Og vinkonur mínar sem vita að ég sé skotin í honum eru líka alltaf að hvísla eitthvað þegar hann er að horfa á mig eða tala við mig í skólanum þannig það er kannski augljóst…

Geturu hjálpað mér eitthvað í að skýra eitthvað af þessu :/

Þetta getur verið erfitt og viðkvæmt, en þetta er sem betur fer oftast meira skemmtilegt og spennandi.  Já kannski er hann alveg búinn að átta sig á því að þú sért spennt fyrir honum, og hann er greinilega spenntur fyrir þér fyrst hann er að senda þér og spyrja um daginn þinn og svona.  Þá er hann greinilega með áhuga, hvort sem það er vinátta eða eitthvað meira sem hann vonast eftir.  Það er best ef þú þorir að segja það við hann að þér finnst hann sætur eða skemmtilegur og að þig langi að vera meira með honum.  Hvort hann sé til að gera eitthvað saman.  Það skiptir líka máli að kynnast honum betur áður en þú ert viss um hve hrifin af honum þú ert.   Það væri því flott ef þú treystir þér til þess að láta hann vita að þig langi til að kynnast honum betur.  Svo kemur í ljós hvað gerist.

Gangi þér vel.


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar