Er að flytja erlendis, hvað þarf að gera?

    38

    Ég er ss. að flytja núna seinna í júni til Japan og mun vera þar í 1 ár og jafnvel lengur, en ég finn engar upplýsingar á netinu um hvað ég þarf t.d. að gera hér á landi. þ.e.a.s. hvort ég haldi lögheimili hér o.f.l.

    Hæ og takk fyrir að hafa samband.

    Hjá Þjóðskrá er hægt að finna ýmsar hagnýtar upplýsingar er varða flutninga erlendis.

    Þú heldur þínu lögheimili hérlendis, ef þú ert í eigin húsnæði og leigir það út eða ferð úr leiguhúsnæði er hægt að flytja lögheimili til foreldra, vina, etc. svo pósturinn þinn (ef einhver) komist til þín á endanum.

    Hér eru nokkrar praktískar upplýsingar:

    Dvalarleyfi

    Fyrir þá sem hyggjast dvelja meira en tvo mánuði í Japan er nauðsynlegt að sækja um dvalarleyfi. Þá þarf vottorð um skólavist og fjárhagsvottorð. Rétt er að fara að huga að umsókn um dvalarleyfi a.m.k. þremur mánuðum fyrir brottför. Hafið samband við sendiráðið.

    Húsnæði

    Flytji námsmaður ekki lögheimili sitt heldur hann tryggingu sinni hjá Sjúkratryggingum Íslands. Þetta gildir einnig um fjölskyldumeðlimi sem fara með námsmanninum til námslandsins. Hægt er að fá vottorð hjá stofnuninni sem staðfestir þetta. Læknisþjónusta er góð og er að stærstum hluta greidd niður af tryggingum sem fólk verður að kaupa, en þær eru ekki mjög dýrar.

    Ef það er eitthvað fleira sem þú þarft að vita er hægt að heyra í japanska sendiráðinu í síma 510-8600.

    Gangi þér vel. 

    Mbk.
    Áttavitinn ráðgjöf.


    • Var efnið hjálplegt?
    •    Nei

    Ert þú með spurningu?

    Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

    Spyrja spurningar