Erfitt að halda í sér

129

Hæhæ, ég er 15 ára og er nýbúin að stunda kynlíf, seinustu daga þá hef ég átt rosa erfitt með að halda í mer, ég er bara alveg í spreng og akkúrat þegar ég er komin inná bað þá pissa ég bara á mig. Gæti þetta verið eitthvað í sambandi við kynlífið? Ég pissa rosalega oft núna á dag en það er alltaf bara eitthvað pínu….. ætti ég að leita til læknis eða eitthvað þannig, þetta er nefnilega rosa óþægilegt, ég stundum bara finn ekki heldur fyrir því að ég þurfi ekki að pissa en svo finn ég bara allt í einu að ég sé pínu blaut, en þetta er aldrei eitthvað mikið piss þetta er bara eins og tvær matskeiðar

Þú skalt fara strax til læknis. Þú getur hringt á heilsugæsluna og fengið að tala við hjúkrunarfræðing og fengið að skila inn þvagprufu. Þetta er mjög líklega blöðrubólga. Það er ekki kynsjúkdómur en getur stundum verið vegna kynlífs samt sem áður. Þú þarft að fá sýklalyf fljótlega því annars getur sýkingin versnað og í versta falli farið í nýrun.
Ástæða þess að blöðrubólga kemur stundum í kjölfar kynlífs er að þvagrásin hjá konum er mjög stutt og ef sæði eða munnvatn eða annað liggur við þvagrásina þá geta ókunnugar bakteríur komist upp í þvagblöðru og valdið sýkingu. Það er því gott ráð að skola eða þurrka vel og helst pissa eftir kynlíf ef að ekki er notaður smokkur.

Gangi þér vel.


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar