Flytja til bandaríkjanna

Hæ og takk fyrir spurninguna.

Það fer algjörlega eftir því í hvaða tilgangi þú ert að flytja. Ætlarðu að fara í nám í Bandaríkjunum, ætlarðu að finna þér vinnu, er maki þinn bandarískur…

Reglur um innflytjendur eru mjög strangar í Bandaríkjunum og sem Íslendingur (og þá partur af Schengen) máttu vera í landinu í 90 daga án vegabréfsáritunar en þú þarft þó alltaf gilt ESTA (https://esta.cbp.dhs.gov/) til að komast inn í landið, ásamt bandarísku heimilisfangi, og gildir það í 2 ár frá útgáfudegi.

Hyggist íslenskur ríkisborgari dvelja lengur en 90 daga í Bandaríkjunum þarf hann að sækja um vegabréfsáritun í sendiráði Bandaríkjanna á Íslandi.

Við mælum með að þú skoðir þetta og svo er einnig hægt að hafa samband við Stjórnarráð Íslands.

Mbk.

Áttavitinn ráðgjöf.