Háður klámi og fljótur að fá það

23

Ég er núna búinn að vera háður klámi alveg frá því ég man eftir mér. Alveg búinn að minnka neyslu mína og nú til dags runka ég mér kannski 3 í viku en á tímabili var ég alveg rosalega háður, tala um nokkrum sinnum á dag þar sem ég runkaði mér. Núna er maður byrjarður að kynnast stelpum og er alveg að fá smá skilaboð og svoleiðis shit en maður er bara mega stressaður því ég fæ það svo fkn hratt, allt klámið er búið að rústa á mér skaufanum og hann fær það bara mega snemma og fkn leiðindi. Svo ég spyr hvað er í stöðunni, eru leiðir til að verða betri í að fá það seinna, betri í rúmminu, æfingar eða einhvað idk? Á ég bara kýla á það og faila feitt þegar ég er með einhverri skvísu? og líka hvað eru góðar leiðir til að halda sér frá kláminu? því ég er ennþá alveg að runka mer ofmikið held ég.

Takk fyrir fyrirspurnina.  Ég hef engar áhyggjur af því þó að þú runkir þér oft í viku.   Það er bara í fínu lagi og gerir þig ekkert verri í kynlífinu með öðrum.  Það er þó vandamál ef þú hefur ekki stjórn á kláminu.  Það hljómar samt eins og það gangi ágætlega að minnka þetta eða hvað? Þú nefnir amk. að þú hafir verið að alveg oft á dag en núna bara nokkrum sinnum í viku.  Spurning að taka alveg frí frá kláminu í nokkra daga og sjá hvernig gengur.  Það er ekki skrítið að þú fáir það fljótt þegar þú notar klám við sjálfsfróunina.  Þú tekur ekki fram hvort þú notir það alltaf eða hvort þú ert líka fljótur að fá það án þess að horfa á klám.

Það er best að æfa sig með því að runka sér alveg að þeim tímapunkti sem þú ert að fá það og stoppa þá.  Bíða og byrja svo aftur og stoppa svo aftur áður en fullnægingin kemur, endurtaka þetta í nokkur skipti.  Þetta hjálpar þér að ná betri stjórn.  Annars er þetta allt í huganum og það hjálpar þér örugglega að taka pásu frá kláminu svo myndirnar séu ekki svona „fresh“ í huganum.

Það er annars ALLT annað mál að vera með stelpu heldur en að runka sér við klám og eiginlega ekki hægt að líkja því saman.  Ég skil vel að þú viljir standa þig þegar þar að kemur og mitt ráð er þá að sinna henni vel fyrst.  Hafa langan forleik þannig að hún verði líka fljót að fá það eða sé búin að fá það áður en þú setur í gang.  Þá gerir ekkert til þó þú takir stuttan tíma til að byrja með.  Þú segir svo bara að hún æsi þig svo upp að þú ráðir ekki neitt við neitt…sem er náttúrulega engin lýgi en um að gera að segja það bara, það tekur vandræðaganginn úr þessu.  Þora að tala saman, segja hvað þið viljið og ekki.  Þetta á að vera gott og gaman en ekki eins og að taka próf. 

Gangi þér vel og endilega skrifaðu aftur ef þú vilt spyrja meira.


  • Var efnið hjálpegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar