Hæ ég er 11 ára og er á föstu með strák sem er 12 ára

Hæ

Ef þið höfðuð samfarir án þess að nota getnaðarvarnir þá er möguleiki á því að þú hafir orðið ólétt.  Þá þarftu að taka þungunarpróf.  Það er allra best ef þú getur talað við foreldra eða einhvern fullorðinn sem þú treystir sem gæti aðstoðað þig við að kaupa þungunarpróf og hjálpa þér við að framkvæma það rétt og lesa úr niðurstöðum.  Ef þú ert farin að hafa blæðingar þá er gott að miða við að taka prófið um 3-5 dögum eftir að blæðingar eiga að byrja.  Ef þú hefur aldrei haft blæðingar þá skaltu bara taka prófið sem fyrst.  Ef það er neikvætt en einkennin halda áfram þá skaltu taka annað próf um viku seinna eða panta þér tíma hjá lækni.  Ef þú treystir þér ekki til að ræða þetta heima þá hvet ég þig til að tala við skólahjúkrunarfræðinginn í skólanum þínum eða námsráðgjafa, eða mögulega kennara sem þú teystir.  Það er mikilvægt að þú fáir aðstoð við að finna út úr þessu og talir við einhvern fullorðinn.  Þú mátt líka hringja og fá ráð t.d hjá umboðsmanni barna; sími 8005999, þú getur kynnt þér þinn rétt á www.barn.is. Einnig er hægt að fá ráð hjá ráðgjafasímanum 1717.  Endilega skrifaðu aftur ef þessar upplýsingar hjálpa þér ekki eða ef þú vilt vita meira.  Ef þú ert farin að stunda kynlíf, og þú ert fremur ung til að vera byrjuð að hafa samfarir, þá er mikilvægt að fræðast um þá ábyrgð sem fylgir því og að nota getnaðarvarnir, t.d. smokk sem að er eina vörnin við kynsjúkdómum, þú ættir að ræða það við lækni eða hjúkrunarfræðing, ég vona þú gerir það sem fyrst.

Gangi þér vel.