Haldiði að ég geti verið bjartsýn á að vera ólétt?

274

hæhæ 🙂
Við hjónin eigum 1 barn saman sem er að verða 2ja ára og núna langar okkur að fara að reyna aftur. Ég fór á hormónalykkjuna eftir að ég átti stelpuna og hún fór vel í mig en þegar ég var búin að vera á henni í rúmt 1 ár þá fór ég á stanslausar milliblæðingar og hætti á henni í kjölfarið, hætti semsagt á henni 26. apríl og fór á milliblæðingar í 2 daga og byrjaði svo ekki á túr fyrr en 27 maí og var í viku ( s.s venulegar blæðingar) og núna hef eg ekkert byrjað á túr en er búin að vera MJÖG dugleg í heimaleikfiminni og við höfum nánast gert það á hverjum degi til að auka líkurnar 🙂 ég fékk í nokkra daga í kringum egglosið ljósbrúna þunna vatnskennda útferð og svo ekkert meir, ég fann fyrir túrverkjum í síðustu viku en það er allt horfið núna. Núna er bara mikil þykk hvít útferð, ég er búin að taka þungunarpróf en þau koma út neikvæð eins og er. Spurningin mín haldiði að ég geti verið bjartsýn á að vera ólétt 🙂 ?

Ef þú varst á blæðingum í lok maí þá gæti verið of snemmt að taka þungunarprófið og því alveg ennþá séns að það verði jákvætt eftir nokkra daga.  Bíddu í 3-4 daga og taktu aftur próf og sjáðu hvað kemur út úr því.  Ef prófið er tekið of snemma þá getur verið að þungunarhórmónið sem prófið mælir sé ekki komið í nógu miklum styrk til að það mælist í þvagi.  Þannig að ekki er öll von úti.  Annars er það bara að halda áfram að reyna og sjá til, það getur verið að blæðingarnar verði pínu óreglulegar í fyrstu eftir að lykkjan var fjarlægð og það er alveg eðlilegt.

Bestu kveðjur og óskir. 


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar