hvað er stéttaskipting ?

Hæ og takk fyrir að hafa samband.

Stéttaskipting lýsir ójöfnuði í samfélögum sem byggir á efnahagslegri og félagslegri stöðu einstaklinga.

Það sem ákvarðar stétt er ólíkt eftir samfélögum. Fólk eða hópar geta haft mismunandi hugmyndir um hvað gerir mann „hærri“ eða „lægri“ í stigveldinu. Munurinn getur verið  mikill á milli þeirra sem hafa meiri völd í samfélaginu og þeirra sem eru jaðarsettir. Þetta getur verið af ólíkum ástæðum. Völd geta skapast af t.d. peningum, fjölskyldutengslum, menntunar o.fl.

Ójöfnuður hefur þannig mikið að segja um upplifun okkar á stéttaskiptingu. Ef munurinn á milli þeirra sem best hafa það og þeirra sem verst hafa það er mikill þá getum við talað um að það sé mikil stéttskipting í því samfélagi.

Það er áhugaverður pistill á Vísindavefnum sem fjallar um stéttaskiptingu á Íslandi. Þar er talað um stéttir sem formgerðan efnahagslegan og félagslegan ójöfnuð, stéttir sem eiginlegt eða mögulegt hreyfiafl í samfélaginu og stéttir sem tilvísun í virðingarstöðu, stöðuhóp, menningu og lífsstíl.

Mbk.
Áttavitinn ráðgjöf.