Hvernig undirbý ég mig fyrir samræmdu prófin?

Sæl.

Það er bara gamla góða: læra það sem er lagt fyrir. Ef þú gætir komist yfir gömul próf þá hjálpar það því þá sérðu uppsetningu prófanna og hvernig spurningar eru. Ekki ofhugsa hlutina og reyndu að slaka á í prófinu. Það getur reynst erfitt að fara yfir allt kennsluefni og því þarftu að skipuleggja þig vel áður en þú byrjar að læra. Reyndu að sjá fyrir hvað er mikilvægast og láttu annað mæta afgangi. Passaðu þig að dvelja ekki of lengi við eitthvað ákveðið svo þú hafir meiri tíma fyrir annað námsefni.

Gangi þér ótrúlega vel!