Hvernig verð ég Réttarrannsóknafræðingur (Forensic Investigation)

Hæ og takk fyrir spurninguna.

Réttarlæknisfræði eða réttarmeinafræði er ein af sérgreinum læknisfræðinnar. Þú þarft fyrst að ljúka námi í læknisfræði sem tekur sex ár og svo tekur við svokallað kandidatsár, sem er nauðsynlegt til að öðlast lækningaleyfi. Að því loknu getur sérnám hafist sem er því miður ekki í boði hér á landi. Það er þó hægt að læra hluta af almennri meinafræði á Landspítalanum.

Sérnámið er nokkuð mismunandi milli landa. Í Evrópu er oft miðað við fimm ára sértækt nám en í Bandaríkjunum ljúka læknar yfirleitt fyrst sérnámi í almennri meinafræði, sem getur tekið þrjú ár, en sérhæfa sig síðan í réttarlæknisfræði, ca. 2 ár.

Mbk.
Áttavitinn ráðgjöf.