í hvaða framhaldsskólum eru engin lokapróf bara verkefni og símat?

Hæ og takk fyrir að hafa samband við okkur.

Á höfuðborgarsvæðinu eru bæði Borgarholtskóli og Framhaldskólinn í Mosfellsbæ sem notast eingöngu við símat https://www.bhs.is/skolinn/namsmat 
https://www.fmos.is/is/namid/afangar/namsmat-og-einkunnir
Og utan höfuðborgarsvæðisins er framhaldskólinn á Laugum og Menntaskólinn við Tröllaskaga einnig einungis með símat.

Ef annar skóli en þessir heilla þig er alltaf hægt að skoða námsmat hjá hverjum skóla fyrir sig en allir skólar bjóða upp á símat í einhverjum áföngum og getur það verið misjafnt eftir hvaða braut er valin hversu mikið símat er í boði – símat er algengara á félagsvísindabraut og í listgreinum sem dæmi.

Ef þú þjáist af prófkvíða er einnig hægt að hafa samband við námsráðgjafa sem getur aðstoðað við að finna lausnir líkt og lengri próftíma og prófkvíðanámskeið.

Vonum að svörin hafi hjálpað og gangi þér vel.

Með bestu kveðju,
Áttavitinn.