Ný spurning

Hæhæ

Æ leiðinlegt að heyranaðnþér líði ekki nógu vel og um að gera að reyna að vinna eins og hægt er í sjálfum sér. Aftur á móti sýnist mér á reglum Vinnumálastofnunnar að þú munir eiga erfitt með að fá bætur ef þú segir sjálf upp vinnunni.

 Hér eru allavega upplýsingar sem við fundum á vef vinnumálastofnunar:

Umsækjandi um atvinnuleysisbætur getur þurft að sæta biðtíma eftir atvinnuleysisbótum í upphafi bótatímabils ef:

• starfi er sagt upp án gildra ástæðna,
• umsækjandi er valdur að eigin uppsögn,
• námi er hætt án gildra ástæðna,
• dregið er úr námshlutfalli til að uppfylla skilyrði um námssamning.

Berist skýringabréf vegna starfsloka / námsloka með umsókn um atvinnuleysisbætur flýtir það afgreiðslu umsóknarinnar. Berist skýringabréf ekki er afgreiðslu umsóknar frestað og umsækjanda gefinn kostur á að skila inn skýringum / andmælum vegna mögulegrar ákvörðunar Vinnumálastofnunar.

Hér eru frekari upplýsingar, teknar af vef Vinnumálastofnunar:

https://www.vinnumalastofnun.is/atvinnuleysisbaetur/rettur-til-atvinnuleysisbota

Launamenn á aldrinum 18 – 70 ára eiga rétt á atvinnuleysisbótum að því tilskildu að þeir hafi áunnið sér tryggingarrétt og uppfylli eftirfarandi skilyrði:

•             séu í virkri atvinnuleit,

•             séu búsettir og staddir hér á landi,

•             hafa heimild til að ráða sig til vinnu hér á landi án takmarkana,

•             hefur verið launamaður á ávinnslutímabili,

•             leggur fram vottorð fyrrverandi vinnuveitanda og vottorð frá skóla þegar það á við,

•             hefur verið í atvinnuleit samfellt í þrjá virka daga frá því að umsókn um atvinnuleysisbætur barst Vinnumálastofnun.

•             Launamaður er hver sá sem vinnur launuð störf í annarra þjónustu í a.m.k. 25% starfshlutfalli í hverjum mánuði og greitt er tryggingagjald vegna starfsins samkvæmt lögum um tryggingagjald.

•             Launamaður telst að fullu tryggður eftir að hafa starfað samfellt á síðustu 12 mánuðum á innlendum vinnumarkaði áður en hann sækir um atvinnleysisbætur til Vinnumálastofnunar.

•             Launamaður, sem starfað hefur skemur en 12 mánuði en lengur en 3 mánuði á síðustu tólf mánuðum á innlendum vinnumarkaði áður en hann sækir um atvinnuleysisbætur til Vinnumálastofnunar, telst tryggður hlutfallslega í samræmi við lengd starfstíma.

Bótaréttur umsækjanda verður aldrei hærri en sem nemur starfshlutfalli á ávinnslutímabili eða því starfshlutfalli sem hann er tilbúinn að ráða sig í. Hafi launamaður ekki verið í sama starfshlutfalli allt ávinnslutímabilið skal miða við meðalstarfshlutfall hans á þeim tíma.

Við mælum með að þú heyrir í ráðgjafa hjá vinnumálastofnun áður en þú gerir eitthvað sem mun geta haft veruleg áhrif á þig launalega séð. Þú getur náð í þau í síma 515-4800 eða sent þeim póst á postur@vmst.is

Við vonum innilega að þér eigi eftir að líða betur og náir að vinna úr þeim erfiðleikum sem þú ert í.

Gangi þér rosalega vel,

Tótalráðgjöf