Óþægindi að neðan

170

hæhæ, málið er að ég er með óþægindi að neðan//verki og er 18 ára, getur jafnvel verið roði, veit ekki alveg. Og finnst þetta vera aðeins neðar en hja snípnum. Hvað gæti þetta verið? Og finnst eins og ég sé viðkvæmari þarna niðri, þá meina ég ef ég fer að pissa og er að þurrka þá er það einhvern veginn þæginlegt að nudda en samt smá vont eftir á. Hef jú stundað óvarið kynlíf með strák sem ég er að deita en fékk þetta 3 vikum eftir á og þetta er búið að standa í rúma viku (til 1 og hálfa viku)
Getur þetta verið kynsjúkdómur (klamedía eða) eða eitthvað annað? Er búin þó að hafa augun opin og skoða mig reglulega sjálf þarna niðri en ég sé ekkert nema það að ég er aðeins rauðari en vanalega þarna.

Og hvort ætti ég þá að leita til heimilslæknis eða kynsjúkdómalæknis, bý í litlu samfélagi og hef ekki þorað að leita til læknis útaf kostnaði. Og hef ekki farið til læknis útaf því að ég veit ekki hvað þetta getur verið og veit því ekki hvort það dugar að fara til heimilislæknis…
heh erfitt að útskýra reyndar einkennin en er í lagi að bíða og sjá til hvort þetta fari ekki bara?

Þar sem þú hefur stundað kynlíf án þess að nota smokk þá verður þú að fara í tékk.  Þú getur farið til heimilislæknis til að komast að því hvort þetta er kynsjúkdómur.  Ef þér finnst það erfitt þá getur þú byrjað á því að tala við vakthjúkrunarfræðing (ef það er þannig á heilsugæslunni) og fengið að skila inn þvagprufu til að tékka á Klamydíu.  Það er lítið mál og þarf ekki skoðun, bara pissa í glas.  Einkennin sem þú lýsir gætu líka bent til þess að þetta sé sveppasýking, sem er ekki kynsjúkdómur, og þú færð krem við því í apótekinu án lyfseðils. Þú gætir prófað það meðan þú bíður eftir að fá tíma hjá lækninum.  Kremið heitir Canesten eða Pevaryl.  Það er hægt að fá krem eða krem og stíla til að setja upp í leggöngin.  Það er alveg hægt að fá sveppasýkingu þó þú hafir aldrei stundað kynlíf.  Öruggast er hjá þér að fara í skoðun til að vera alveg viss.

Gangi þér vel.


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar