Rauðar kúlur á forhúðinni

57

hæ ég er skoða og þríf typpið regluleg en hef uppá síðkastið verið að taka eftir eh sem eru eins og rauðar ósléttar „kúlur“ á forhúðinni, er þetta eh sem ég ætti að hafa áhyggjur af og láta skoða?

Þetta er mjög líklega í fínu lagi.  Haltu áfram að sinna hreinlætinu og einmitt mikilvægt að þvo undir forhúðinni…láta kónginn kíkja í sturtunni.  Það geta komið litlar bólur sem eru alveg hættulausar og hverfa með tímanum.

Þú skalt þó hafa í huga ef þú ert farinn að stunda kynlíf að kynsjúkdómar geta birst með ýmsum hætti og því gáfulegt að fara í tékk reglulega.  Það er séns að svona útbrot séu vörtur eða annað en ómögulegt að segja til um það án þess að fara í skoðun. Þannig að ef þú hefur stundað kynlíf með öðrum þá skaltu panta þér í tékk á göngudeild húð- og kynsjúkdóma í síma 5436050.  Það er ókeypis.  Ef þú kemst ekki þangað þá skaltu panta þér á heilsugæslunni í þínu hverfi og eru læknarnir þar góðir í að meta hvort ástæða sé að gera eitthvað í þessu eða ekki.  En eins og áður sagði…líklegast saklaust en betra að vera viss.

Gangi þér vel.


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar