Svíður þegar ég pissa, hvað getur þetta verið?

32

Ég er með svona sviða tilfinningu niðri og mér líður eins og eg se alltaf að pissa í mig og þurfi alltaf að þrýsta ut !! Ég reyndar svaf hja fyrir 2 dögum..hvað getur þetta verið?

Fyrirgefðu hve seinir Tótalráðgjafar eru í svörum þessa sumardaga…    Þessi einkenni benda til þvagfærasýkingar, það er ekki kynsjúkdómur.  Þú skalt fara með þvagprufu til vakthjúkrunarfræðings á heilsugæslunni.  Þar er hægt að sjá strax hvort þetta er þvagfærasýking (blöðrubólga) og þú færð sýklalyf sem virka oftast fljótt og vel.  Ef þetta reynist ekki vera það þá skaltu fá Klamydíupróf (það er gert með þvagprufu á heilsugæslunni líka).  Einnig er gott að fara í skoðun til kvensjúkdómalæknis, stundum getur sveppasýking valdið svona einkennum.  Lang líklegast er samt blöðrubólga og mikilvægt er að fá rétta meðferð sem fyrst.

Gangi þér vel.


  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar