Vantar stað til að læra á

Hæhæ,

Á vissum tímum hafa einhver ákveðin svæði verið einungis fyrir nema Háskóla Íslands og er það í kringum próftíma, en alls ekkert allt safnið. Það er vel þekkt að framhaldsskólanemar fari á Þjóðarbókhlöðuna að læra og það er ekkert mál. Svo eru bókasöfn með fína aðstöðu en þar lokar oftast fyrr, eða um 18:00. En til að mynda er opið á Borgarbókasafnið til klukkan 21:00 á miðvikudögum. Ef það skiptir þig ekki máli að hafa dauðaþögn í kringum þig þá er alltaf hægt að setjast inn á kaffihús eða ungmennahús eins og Hitt Húsið í miðbænum sem er opið til 20:00 á þriðjudögum og 22:00 á fimmtudögum.

Vona að þetta gefi þér einhverja smá hugmynd um hvar má leita..

Gangi þér vel að læra,

Tótal