Þegar pakkað er niður fyrir flutninga þarf að hafa skipulag á hlutunum. Hér eru nokkur atriði sem gott er að hafa í huga:

  • Tæma allar hirslur til að gera þær léttari. Taka t.d. skúffurnar úr kommóðunum og flytja þær sér.
  • Passa að hafa kassana ekki of þunga. Til dæmis með því að fylla ekki stærstu kassana af bókum eingöngu.
  • Pakka brothættu dóti inn í blöðruplast, klúta eða gömul viskastykki. Síðan skal merkja kassann með orðunum “brothætt”. Spara má plássið með því að pakka brothættu inn í fatnað og annað tau sem flytja þarf líka.
  • Ef mikilvægt er að kassi snúi ávallt á einn veg skal merkja hann með “þessi hlið á að snúa upp” eða eitthvað í þeim dúr.
  • Festa skal tromluna í þvottavélinni áður en hún er flutt og gæta þess að vélin snúi rétt.
  • Láta ísskápinn standa í dágóða stund eftir flutninga, áður en honum er stungið aftur í samband.
  • Passa upp á líkamsbeitinguna við flutninga; beygja sig í hnjánum þegar maður lyftir hlutum upp í stað þess að svegja bakið.

 

Spara má plássið með því að rúlla fötum upp í þéttar rúllur í stað þess að brjóta þau saman. Þetta kemur sér einnig vel þegar pakkað er í ferðatöskuna fyrir ferðalagið.

 

  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar