Frumgreinanám í HR

Hvað er frumgreinanám?

Frumgreinanám er hugsað fyrir fólk sem ekki hefur lokið stúdentsprófi en hefur áhuga á frekara námi á háskólastigi. Að loknu námi í frumgreinum öðlast nemendur ígildi stúdentsprófs og geta þannig innritast í háskóla hérlendis og erlendis.

Fyrir hverja er frumgreinanám?

Frumgreinanám er hagnýtt undirbúningsnám fyrir metnaðarfullt fólk. Vinnuálagið er mikið og námið krefjandi. Námið hentar vel fyrir þau sem hafa iðnmenntun og reynslu úr atvinnulífinu en hafa ekki lokið stúdentsprófi

Hvað er námið langt?

Námið tekur að jafnaði fjórar annir eða tvö námsár. Hægt er að taka fyrstu önnina í fjarnámi.

Hver eru inntökuskilyrðin?

Hver nemandi sem sækir um frumgreinanám fer í einstaklingsmat, þar sem tillit er tekið til starfs-  og námsferils. Fólk sem lokið hefur hluta af stúdentsprófi eða starfs, iðn- og tækninámi ætti að eiga greiðan aðgang að frumgreinanámi.

Hvað kostar frumgreinanám?

Samkvæmt verðskrá HR 2022-2023 kostar frumgreinanám 152.000 kr. á önn. Auk þess þarf að greiða fyrir lokapróf.

Hentar frumgreinanám þér?