Vinnuvélaréttindi

Hvernig getur fólk öðlast vinnuvélaréttindi?

Á Íslandi eru nokkur fyrirtæki sem bjóða upp á námskeið til að öðlast vinnuvélaréttindi. Námskeiðin eru bæði bókleg og verkleg.

Að loknu bóklega námskeiðinu geta nemar farið í verklega þjálfun hjá atvinnurekanda í stjórn og meðferð vinnuvéla í eftirtöldum flokkum:

• Lyftarar með lyftigetu 10 tonn og minni.
• Dráttarvélar með tækjabúnaði og minni gerðir vinnuvéla.
• Körfukranar.
• Steypudælur.
• Valtarar.
• Útlagningarvélar fyrir bundið slitlag.
• Hleðslukranar á ökutækjum með allt að 18 tonna lyftigetu.

Að námskeiði loknu er tekið próf sem eftirlitsmenn frá Vinnueftirliti ríkisins annast.

Hvert er aldurstakmarkið í vinnuvélanám?

Aldurstakmarkið er 16 ár í frumnámskeiðið. Þremur mánuðum fyrir 17 ára afmælisdaginn má viðkomandi fara að æfa sig á tækin undir leiðsögn einstaklings með kennararéttindi á vélina.

Hvert getur maður farið á vinnuvélanámskeið?

Þú getur farið á vinnuvélanámskeið hjá eftirfarandi aðilum:

• Vinnueftirlitið
• Ekill ehf.
• Öku- og vinnuvélaskólinn ehf.
• Vinnuvélaskólinn
• Nýi ökuskólinn

Á heimasíðum þessara skóla má finna frekari upplýsingar um námskeiðin; tímasetningar, greiðslufyrirkomulag og þess háttar.