Hvað er tekjuskattur?

Tekjuskattur er innheimtur af ríkinu og er tekinn af launum einstaklinga. Allir sem afla tekna og eru búsettir á Íslandi greiða tekjuskatt. Atvinnuveitendur draga tekjuskatt af launum starfsfólks mánaðarlega og greiða til ríkissjóðs. Þeir sem starfa sjálfstætt sem verktakar, þurfa sjálfir að standa skil á staðgreiðslunni til ríkissjóðs. Tekjuskattur greiddur í 3 þrepum eftir því hversu mikið fólk þénar. Árið 2016 eru skattþrepin þessi:

  • 37,13% skattur er tekinn af launum sem eru 336.035 krónur eða minna á mánuði.
  • 38,35% skattur er tekinn af launum sem eru á bilinu 336.036 til 836.990 kr. á mánuði.
  • 46,25% skattur er tekinn af launum sem eru 836.990 og meira á mánuði.

Saman mynda tekjuskattur og útsvar „staðgreiðslu skatta“.

Hvað er útsvar?

Útsvar er tekjuskattur af launum einstaklinga sem sveitarfélögin innheimta. Allir sem afla tekna þurfa að greiða útsvar til þess sveitarfélags sem þeir hafa lögheimili í. Atvinnuveitendur draga útsvar af launum starfsfólks og greiða til sveitarfélagsins. Útsvarið er mishátt eftir sveitarfélögum: Árið 2016 er lágmarksútsvar 12,44% en hármarksútsvar 14,52%. Í Reykjavík er útsvarið 14,52%. Saman mynda tekjuskattur og útsvar staðgreiðslu skatta. Þeir sem starfa sjálfstætt sem verktakar, þurfa sjálfir að standa skil á staðgreiðslunni til ríkissjóðs.

Frekari upplýsingar um staðgreiðslu skatta, persónuafslátt og skattkort má finna hér Áttavitanum.

 

  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar