Bifreiðaskoðun

Skylda er að fara með öll ökutæki í skoðun einu sinni ári

Þessa skoðun verður ökutækið að standast. Ef athugasemdir eru gerðar við ásigkomulag bílsins, þarf að gera lagfæringar á honum og koma með hann í endurskoðun.

Hvenær á að setja bíl í skoðun?

Síðasti tölustafur í bílnúmerinu segir til um hvenær eigi að skoða bifreiðina. Endi bílnúmerið á 1 er það í janúar, 2 í febrúar, o.s.frv. Endi bílnúmerið á 0 skal skoðun fara fram í október. Endi bílnúmerið á bókstaf skal skoðun fara fram í maí.

Hvar er hægt að láta skoða bílinn?

Þó nokkur fyrirtæki annast skoðun ökutækja. Hér að neðan má nálgast lista yfir þau:

• Aðalskoðun er með skoðunarstöðvar á nokkrum stöðum.
• Frumherji er með skoðunarstöðvar á nokkrum stöðum.
• Tékkland er með þrjár skoðunarstöðvar á höfuðborgarsvæðinu.

Gott er að hafa í huga að . . .

• sekta má fólk fyrir að láta ekki skoða bílana sína;
• ef bifreiðagjöld eða tryggingar eru í vanskilum fá bílar ekki skoðun;
• skoðun snýst um manns eigið öryggi og annarra. Fæstir vilja stíga upp í flugvél vitandi af einni lausri skrúfu í vélinni. Sömu viðhorf ætti að hafa til öryggis bifreiðarinnar.