Atvinnuleit erlendis

Hvar er hægt að finna vinnu erlendis?

Til að hafa uppi á starfi erlendis er best að fara í gegnum erlendar vinnumiðlanir. Hér að neðan má finna hlekki á síður sem ættu að auðvelda fólki starfsleit og önnur góð ráð.

Atvinnuleit á Norðurlöndum

Öll Norðurlöndin halda úti opinberum vinnumiðlunum.

• Í Danmörku er það JobNet.dk.
• Í Noregi er það Nav.no.
• Í Svíþjóð er það Arbetsformedlingen.se.
• Nordjobb býður einnig upp á sumarstörf fyrir fólk á aldrinum 18-28 ára.

Atvinnuleit annarsstaðar en á Norðurlöndum

Til að hafa upp á vinnu annarsstaðar í Evrópu er best að fara í gegnum EURES. Hjá Vinnumálastofnun vinnur EURES-ráðgjafi sem aðstoðar fólk við leitina og getur gefið góð ráð.

• EURES er opinber vinnumiðlun EES landanna.
• EURES á Íslandi heldur einnig úti lista yfir laus störf.
• Einnig má finna hlekki á evrópskar einkareknar vinnumiðlanir. Þær eru flokkaðar eftir löndum.

Hægt er að flytja atvinnuleysisbótaréttinn með sér út

Hægt er að flytja atvinnuleysisbótarétt frá Íslandi til annarra EES landa í allt að 3 mánuði. Til þess þarf maður að verða sér úti um E-303 eyðublað sem hægt er að fá hjá Vinnumálastofnun. Til að flytja bótaréttinn út þarf maður að hafa verið á atvinnuleysisskrá í 4 vikur og sækja þarf um E-303 þrem vikum fyrir brottför.

• Nánar má lesa um flutning bótaréttar á vef Vinnumálastofnunar.
• Á vef Vinnumálastofnunar má nálgast öll eyðublöð sem nauðsynlegt er að hafa til að flytja bótaréttinn út.
• Á vef EURES má einnig finna frekari upplýsingar um atvinnuleysisbætur erlendis.