Heim Samfélagið Félög og hópar Specialisterne á Íslandi

Specialisterne á Íslandi

Markmið félagsins er að bæta atvinnumál einstaklinga á einhverfurófi á Íslandi en gera má ráð fyrir að um 2.000 - 3.000 einstaklingar á Íslandi séu á einhverfurófi.

Síðast uppfært: 5. febrúar, 2019 Birt: 2. febrúar, 2018.

1062

Hvað gerir Specialisterne á Íslandi?

Specialisterne á Íslandi er sjálfseignarstofnun sem var stofnuð í ársbyrjun 2010. Markmið félagsins er að bæta atvinnumál einstaklinga á einhverfurófi á Íslandi en gera má ráð fyrir að um 2.000 – 3.000 einstaklingar á Íslandi séu á einhverfurófi.

Hvers vegna?

Lengi hafa ekki verið til sérhæfð atvinnuúrræði fyrir einstaklinga á einhverfurófi. Margir einstaklingar eru því atvinnulausir eða í störfum þar sem hæfileikar þeirra nýtast illa.

Hvernig?

Specialisterne hjálpa einstaklingum að þjálfa upp styrkleika og taka á veikleikum sínum. Unnið er með einstaklingsmiðaðar áætlanir þar sem tölvufærni er þjálfuð og áhersla er lögð á stundvísi og mætingu.

Markmiðið er atvinnuþáttaka eða áframhaldandi nám. Þess má geta að ríflega helmingur þátttakenda fer í vinnu og hafa yfir 50 þeirra nú þegar komist út á atvinnumarkaðinn.